Fyrirtækja jólagjafir

[moltium]

Góðan daginn öll

Mig langaði að athuga hjá ykkur hvað hefur fólk verið að fá frá fyrirtækinu í jólagjöf og hvað myndu þið vilja fá í gjöf frá ykkar fyrirtæki?

[Dropi]

Ég hef fullnýtt öll gjafakort sem bæði ég og frúin fáum. Stundum almennt kort svona 40k og stundum í ákveðna verslun 60k.

[halipuz1]

Sem starfsmaður ákveðinnar stofnunar fengum við val um einhver gjafabréf, veglegasta gjafabréfið var 17.000 kr í ZO-ON.

Væri til í að sjá meiri upplifunar gjafabréf.

[Dr3dinn]

Vill ekki sjá inneignir nein staðar, bara gjafakort í kringluna eða sambærilegt.

Er með bunka af inneignum heima i fyrirtækjum sem eru ekki til lengur eða hlutir runnir út.

[blitz]

Persónulegt kort (1-2 setningar sem yfirmaður skrifar).

Súkkulaði / Konfekt / Kaffi

Gjafabréf sem er hægt að nota á fleirum en einum stað t.d. bankakort.

Alls ekki upplifun (t.d. Óskaskrín).

Ekki gefa til góðgerðarmála nema spyrja þann sem á að gefa í nafni fyrir, t.d. leyfa honum að velja.

[Saber]

Ekki gefa til góðgerðarmála nema spyrja þann sem á að gefa í nafni fyrir, t.d. leyfa honum að velja.

Þetta finnst mér skrítið take. Eru góðgerðarmál einhverntíman slæm hugmynd?

[depill]

Þar sem þessi gjafakort eru að verða meira vesen skattalega séð. Þá finnst mér alltaf best að inneign hjá Icelandair. Ég kaupi alltaf flug á hverju ári, nokkuð viss um að þau verði til á næstunni, þannig hentar vel

[ABss]

Ekki gefa til góðgerðarmála nema spyrja þann sem á að gefa í nafni fyrir, t.d. leyfa honum að velja.

Þetta finnst mér skrítið take. Eru góðgerðarmál einhverntíman slæm hugmynd?

Í sjálfu sér nei, en raunveruleikanum eru þau mismunandi eins og allt annað.

[axyne]

Persónulegt kort (1-2 setningar sem yfirmaður skrifar).

Þetta finnst mér vera það mikilvægasta.
Eitthvað almennt skrifað kort sem allir fá er svakalega ómerkilegt og lætur mann líða litlum á meðan persónulegt kort yljar manni um hjartarætur.

[rapport]

Þar sem þessi gjafakort eru að verða meira vesen skattalega séð. Þá finnst mér alltaf best að inneign hjá Icelandair. Ég kaupi alltaf flug á hverju ári, nokkuð viss um að þau verði til á næstunni, þannig hentar vel

Það má gefa gjafakort frá YAY o.þ.h. en ekki gjafakort sem hægt er að taka út sem pening.

Upphæðin sem fyrirtæki geta gefið hverjum starfsmanni (með árshátíð o.þ.h.) á ári er um 160þ.

Að gefa YAY kort upp á 10þ. á því ekki að vera vesen skattalega séð.

[zedro]

Matakarfa! Gegnum árin hefur karfan verið stórt kjötstykki, minna kjöt, kaffi, konfekt, gjafakort eða gjöf og auðvitað kort.

Mútta ávalt helvíti sátt þegar karfan mætir og þarf aðeins minna að spá í innkaupum um jólin.

[natti]

Ég er team gjafakort (kringlan / smáralind).
Það nýtist svo gott sem öllum, því það er variety af búðum sem hægt er að velja úr.

Vandamálið við svo gott sem flest allar aðrar gjafir er að þær ná ekki til allra.
Sum fyrirtæki gefa áfengi - alls ekki allir drekka áfengi og sumir eru kannski á þannig stað að þeir vilja ekki fá áfengið til sín.
Sum fyrirtæki gefa matarkörfur - Ná ekki til allra m.t.t. mismunandi matarvenja, sem og það sem nýtist kannski ákveðinni kynslóð nýtist ekki næstu.
Sama á við um konfekt og kaffi.
(hérna einusinni held ég að ég hafi hent meira og minna af mínum matarkörfum sem ég fékk frá þáverandi vinnuveitanda.)
Sum fyrirtæki gefa upplifun - please for the love of everything, don't. Það er oft aktíva útivistarmanneskjan sem fær þessa hugmynd, þetta nýtist ekki öllum og bara til að vera hreinskilinn þá eru þessar gjafir oft ekkert sérstaklega góðar.
Sum fyrirtæki gefa skrautmuni - Smekkur fólks er misjafn, en það var líka gaman þegar ákveðin manneskja í mínu lífi missti andlitið þegar hún sá að ég var að nota einhverja fancy Georg Jensen skál sem poppskál. En þetta er galin hugmynd að eyða pening í e-ð sem er bara rusl og fyrir á sumum heimilum.

Gjafabréf frá flugfélagi nýtist mörgum, en ekki öllum, en það er líka líklegra til að gleymast og/eða renna út.

Kosturinn við generic gjafakort (t.d. Kringlunni og Smáralind), er að þau nýtast líka "strax" ef út í það er farið, á tíma árs þar sem flestir eru að eyða meira en venjulega.
Hvort sem þú vilt kaupa eitthvað fyrir þig (sérstaklega ef þú ert single og/eða yngri einstaklingur), eða nýta í eina af bónusferðunum fyrir jólin.

Eftir því sem starfsmannahópurinn stækkar, þá er ígildi peninga (gjafakort) það eina sem er líklegast til að nýtast öllum.

[T.Gumm]

ég hef bara aldrei fengið jólagjafir frá fyrirtækjum sem ég hef unnið fyrir :O

[rapport]

Fékk 16.500 Í bestseller í gegnum YAY, líklega verðmætasta jólagjöf sem ég hef fengið frá vinnuveitanda ever.

[hagur]

Val á milli nokkurra mismunandi gjafabréfa, einnig hægt að velja að styrkja gott málefni.

[worghal]

ég fékk 35þ í yay inneign sem ég læt konuna sjá um að eyða og hún fékk 50þ í kringluna og ég fékk að nota 35þ af því í nexus gjafakort svo ég geti keypt meira warhammer

[nonesenze]

vantaði hamborgar hrygginn í ár en í stað var nautalund, hangikjöt og lamba læri og osta karfa með 7 ostum og kexi og eitthvað ærfillet sem ég veit ekkert hvað er. gæsakæfa jólasíld og margt annað og 75k í samkaup korti

[Bandit79]

25.000,- Gjafabréf í Bónus og Konfekt kassi frá Nóa hér. Það nýtist vel og bara mjög ánægður

[Hausinn]

27.000kr gjafabréf í Kringlunni. Finnst það bara mjög fínt.

[Sinnumtveir]

Ég er team gjafakort (kringlan / smáralind)

...

Sum fyrirtæki gefa áfengi - alls ekki allir drekka áfengi og sumir eru kannski á þannig stað að þeir vilja ekki fá áfengið til sín.

...

Jæja, er þetta ekki bara spurning um lítilsháttar æfingu. Stutt námskeið í áfengisneyslu eða soleiðis?

En að gríni slepptu er peningur eða ígilidi þeirra í td Visa gjafakorti best en skatturinn held ég að hafi nennst til að ~ eyðileggja þennan möguleika.
Næst best er sennilega að fá td gjafakort í Kringluna eða Smáralind því á endanum nær maður að gera eitthvað úr þeim.

Hallmark í USA selur fílgúd í kortum osfrv. Þeirra slagorð er "When You Care Enough to Send the Very Best".
Je ræt. Skrilljón manns hafa komið auga á að svar slagorðsins á enskri tungu er "cash", þeas reiðufé en ekki okurverðs Hallmarkkort.

Gjafabransinn hefur löngum ýtt undir að reiðufé sé ekki falleg gjöf (þó sæmilega vitibornu fólki sé augljóst að hún sé best). Þeirri hugmynd er lætt að gefendum að það sé gróft, jafnvel ruddalegt, að gefa pening. Að reiðufjárgjöf beri gefandanum slæmt vitni. Ekkert er fjær sanni. Án þessarar hugmyndar hefur td Hallmark nkl ekkert viðskiptamódel. Ein eftirminnilegasta gjöf sem ég hef fengið er útskriftargjöf sem laumað var til mín, já peningur. Er ég sár yfir þessari hráslagalegu gjöf? Nei, öðru nær, þvert á móti, henni fylgdi augljós ást og væntumþykja og síðast en ekki síst, frelsi <3

Sem sagt: Besta gjöfin er reiðufé. Fyrirtæki mega það ekki. Næst best er almennt greiðslukort með inneign, held að skatturinn sé ~ búinn að loka á það. Þriðja best er sennilega gjafakort í verslunarmiðstöð sem ég held að sé leyfilegt.

[Tiger]

50k hérna í Kringlunni, beint í bónus þar og kaupi bónuskort og nota svo í bónus í mínu nágrenni. Mig vantar fátt sem fæst í Kringlunni.

[bigggan]

Hjá okkur fengum við að velja milli nokkrum stöðum, á milli 40 til 60 þúsund krónur, td kringlan og Icelandair. Sem ég finnst alveg fínt þau sem vilja bara kringlan eða Bónus fær það, en þau sem vilja eikvað ákveðið fyrirtæki fæ lika eikvað sem hentar sér.

[Sinnumtveir]

50k hérna í Kringlunni, beint í bónus þar og kaupi bónuskort og nota svo í bónus í mínu nágrenni. Mig vantar fátt sem fæst í Kringlunni.

Aldeilis frábær lausn sem kýlir hallærisskattstjórann kaldann. Takk fyrir þetta.

PS. ef ég man rétt er ekki Bónus í Smáralind og þar af leiðandi er Kringlukort betra en Smáralindarkort.

[J1nX]

15þús kr gjafabréf sem hægt er að nota í völdum búðum á Dalvík, rennur út 14jan.. með því lélegra sem ég veit um.

[Gunnar]

50k hérna í Kringlunni, beint í bónus þar og kaupi bónuskort og nota svo í bónus í mínu nágrenni. Mig vantar fátt sem fæst í Kringlunni.

biiiiiig brain move þarna. ég fékk einmitt líka 50k i kringluna en vantar ekkert. ætlaði að kaupa mér airfyer og peysu bara