Vil byrja á því að segja að ég hef bara tvisvar áður séð myndir í bíó í þrívídd. Fyrst var það í Danmörku, þar sem ég sá stuttmynd af litlum flugum sem þvælast með NASA til tunglsins, og svo fór ég á Ice Age 3 með litlu stelpuna mína í Kringlubíó.
Myndin átti að byrja kl 22:10 svo ég var mættur tímanlega kl 21:40 (að ég hélt
). Það var löng röð og þéttur hópur fyrir framan hurðina inn í sal. Þegar hurðin var loks opnuð heyrðust stunur og urg í mönnum er þeir ruddust inn í sal. Svo mikill var atgangurinn að starfsmaður þurfti að öskra yfir hópinn að róa sig. Ró og þögn færðist yfir hópinn sem entist í 5 sekúndur og þá var byrjað að riðjast aftur. Maður þurfti ekki að hafa fyrir því að labba sjálfur, eftir að ég steig inn í hópinn þá var engin leið að snúa við, hugsaði bara um það eitt að láta ekki einhvern sveittan nördinn kremja kókina mína. Af einhverjum ástæðum þá var önnur hurðin lokuð þannig að þegar ég var á leið inn í bíósalinn þá leið mér eins og verið væri að troða mér í gegnum pasta pressu. Ég fann OK sæti rétt fyrir neðan miðju.Ég ætla ekki að skemma fyrir neinum með því að tala um myndina sjálfa, sagan var flott og þetta er klárlega stærsta myndin sem komið hefur út í langan tíma.
Það sem böggaði mig hinsvegar óheyrilega mikið og skemmdi mikið fyrir mér var REALD. Þetta 3D var ekki að virka fyrir mig. Það var rosalega mikið um ghosting og heilu atriðin voru blurruð að undanskildum fáeinum hausum. Mest pirraði mig hvar rauður litur var úr sync og 3D dýptin því ekki að skila sér. Ef ég lokaði vinstra auganu þá fór rauði liturinn og dýptin í leiðinni.
Ég fór að velta því fyrir mér hvort þetta væri eitthvað í augunum á mér, var ég ekki að aðlagast þessu nægilega? Aldeilis ekkert að mér. Önnur atriði komu frábærlega vel út og því ljóst að eitthvað mikið var að.
Þar sem þetta var mest megnis alla myndina að bögga mig þá hef ég ákveðið að fara aftur á hana í öðru bíói. Svo bara að verða sér út um hana þegar hún kemur á BR og upplifa skerpuna og sjá þá myndina upp á nýtt.
Ég googlaði þetta issue og rambaði inn á review frá gagnrýnanda sem fór á AVATAR þar sem eitthvað mikið virtist vera að í sýningartækjunum, kunnáttuleysi eða bilun? Gestirnir fengu allavega aðra sýningu og fannst þessum hann eins og hann hafi verið að horfa á allt aðra mynd í fyrra skiptið, svo mikill var munurinn.
http://www.boston.com/ae/movies/articles/2009/12/19/will_viewers_see_3_d_avatar_as_it_was_meant_to_be_seen/
(þaeas ef að þvívíddinn tekst)
