af hverju sýnir cpu-z bara einn kjarna þó að ég sé með dual?

[Dazy crazy]

þessi lýsandi fyrirsögn mín segir allt og hér er mynd sem skýrir mál mitt enn frekar

[dadik]

Þetta er ekki dual core cpu heldur bara hyperthreaded

[Dazy crazy]

sem er?

ég get látið prime95 keyra á core0 og core1

er þá ekkert betra að hafa þetta hyper-threading

[Revenant]

Þetta er einn kjarni en getur "keyrt" tvo þræði á "sama tíma" (þannig að það sýnist vera tveir kjarnar)

[Dazy crazy]

græði ég ekkert á því, er örrinn bara 3 ghz ennþá og deilist þá í 1,5+1,5 eða er ég að misskilja?

og önnur spurning, af hverju get ég ekki séð !"#$%&#&#/" hitann á örgjörfanum neinsstaðar nema í bios?

getur einhver verið svo vænn að benda mér á eitthvað forrit til að sjá hitann á intel pentium 4 örgjörva á Gigabyte ga-8ipe1000 pro-g móðurborði, væri mjög vel þegið, og kannski eitthvað líka til að sjá hitann á minnunum.

[corflame]

Minni kemur almennt ekki með hitanemum...

[Dazy crazy]

en græði ég ekkert á þessu hyper threading, er búinn að vera að reyna að lesa mér til en skil ekki mjög mikla ensku.

[dadik]

Ég skal reyna að skýra þetta út fyrir þér.

Dual Core örgjörvar eru í raun tveir örgjörvar í einum "pakka". Þú getur hugsað þetta eins og að þú værir með innstungur fyrir tvo örgjörva á móðurborðinu þínu og þú værir með eins örgjörva í báðum. Eini munurinn er að núna er búið að pakka þessu inn fyrir þig þannig að þú ert með tvo örgjörva en bara eina innstungu. Sniðugt ekki satt?

Svona dual core örgjörvar geta keyrt tvö forrit á fullum afköstum á sama tíma því að þetta eru jú tveir aðskildir örgjörvar. Hyperthreaded örgjörvar eins og þú ert með komu aðeins á undan dual core örgjörvunum. Á þeim tíma var intel ekki tilbúið með alvöru dual core örgjörva en voru samt að spá í hvernig væri hægt að keyra fleiri en einn forrit samhliða.

Á þess að fara mjög djúpt í þetta þarftu aðeins að vita hvernig þeir fóru að þessu. Örgjörvi samanstendur af nokkrum reiknivélum, ekki ósvipuðum þeim sem þú sérð dags daglega. Munurinn er sá að sumar reiknivélarnar geta bara unnið með heiltölur (1,4,7 o.s.fr.) en aðrar með kommutölur (1.5, 3.72, o.s.fr.). Mig minnir að örgjörvi eins og þinn sé með 4 heiltölureiknivélar og 3 kommutölu, þú getur flett þessu upp. En trikkið er semsagt að allar reiknivélarnar eru ekki endilega í notkun á sama tíma. T.d. notar ritvinnsluforrit lítið af kommutölureiknivélunum.

Það sem örgjörvinn gerir þegar forrit er að nota fáar reinivélar er að hleypa öðru forriti að til að nota þessar ónotuðu. Þannig bætirðu nýtinguna á hverjum klukkupúlsi og kemur meiru í verk. Þetta er ekki alvöru dual core lausn, en er samt hraðvirkari en ef að einungis eitt forrit hefði aðgang að örgjörvanum á hverjum tíma. En þrátt fyrir að þetta sé ekki jafn hraðvirkt og dual core örgjörvi ertu samt að fá 15 - 25% hraðaaukningu miðað við örgjörva sem notar ekki dual core.

Stýrikerfið aftur á móti heldur að það séu tveir örgjörvar í vélinni meðan það er bara einn. Ekki láta það plata þig.

- dk

PS. ef þú vilt sjá hita á cpu/móðurborði er best að nota speedfan, sem þú finnur með google. Þú getur líka lesið SMART statusana á hördu diskunum þínum til að sjá hvort þeir séu að gefa sig. Einfalt og gott tól.

[Dazy crazy]

takk fyrir mjög greinargóða útskýringu þetta var ansi skilmerkilegt og ég held ég sé búinn að ná þessu núna.

Ps. speedfan sýnir mér ekki hitann á örgjörfanum, bara einhverjum hlutum ár móðurborðinu sem heita skrítnum nöfnun, getur verið að eitt þeirra sé örgjörfinn þó það heiti ekki cpu?

[dadik]

tékkaðu á Local Temp eða Temp1

[Dazy crazy]

já það stendur temp
takk