Ég hef séð Dell skjái detta hérna inn nokkrum sinnum og leikur furða á hvers vegna þeir eru oft lengi að seljast. Dell merkið sem slíkt hefur verið mjög hátt verðlagt hjá EJS og núna Advania, en mér fannst ég knúinn til þess að koma því á framfæri að Dell skjáir eru oft á tíðum á mjög háu kaliberi hvað gæði varðar.
Hér hef ég mynd af minni dual monitor uppsetningu, annars vegar Dell 22" og Samsung Syncmaster 22".
Ég fékk þá báða á svipuðu verði á sínum tíma, notaðir, og þeir eru orðnir ansi gamlir báðir tveir, Dell skjárinn var þó dýrari, þar sem hann hefur að geyma IPS panel, en hinn TF. Báðir skjáir eru góðir og þjóna mér vel, en það er augljóst að annar þeirra er töluvert betri, gæðalega séð.
Langaði bara að deila þessu til þess að koma skjá-umræðu á hærra plan, hættið að miða gæði skjáa út frá einhverjum tölum frá framleiðundum, skoðið hvernig skjáir haga sér.
Það að velja skjá út frá þeim tölum sem framleiðandi gerir er svipað gáfulegt og að versla bíl eingöngu út frá því hverjar eyðslutölur bíla eru frá framleiðanda.
Ég er algerlega óháður öllum söluaðilum skjáa, en fannst rétt að minnast á þetta. Ég er viss um að Samsung skjárinn myndi koma betur út á ákveðnum "tölu" prófunum, en það er staðreyndin að Dell skjárinn er töluvert betri og eigulegri skjár.
Lifið heil!
Vinstri DELL <-> Samsung - HÆGRI
- dell1.jpg (43.12 KiB) Skoðað 776 sinnum
