Lenti í mjög óheppilegu atviki nú í kvöld. Þannig er að 2 ára gamli turninn minn var búinn að gefa frá sér eitthvað tikkhljóð öðru hvoru í dálítinn tíma. Venjulega lagaðist það ef ég bankaði aðeins í hann, hélt að þetta væri bara vír að slást í kassaviftu eða eitthvað ómerkilegt. Turninn er mountaður á festingu undir skrifborðinu mínu inní horni, svo það er ekkert auðvelt að komast að honum til að opna hann, en ég lét loksins verða af því þegar hljóðið versnaði í kvöld, ætlaði að færa þennan vír frá í eitt skipti fyrir öll. En nei, það kom í ljós að vandamálið var mun alvarlegra en svo. Örgjörvakælingin mín er þokkalega massívur heatsink af gerðinni NZXT HAVIK 140 með tveimur 140mm viftum, sem eru festar sitt hvoru megin með teygjum, svona:
Eftir tveggja ára notkun í þessu tiltölulega heita og þurra umhverfi sem tölvukassi er þá voru þrjár af fjórum teygjum trosnaðar í sundur, önnur örgjörvaviftan hangandi laus og hin ekki mjög stöðug. Hefur einhver hérna hugmynd um hvort það er yfir höfuð hægt að fá svona teygjur einhvers staðar, eða vifturnar sjálfar?
Gefið að það sé ekki hægt (þessi heatsink er discontinued, svo mér finnst það mjög ólíklegt), hvernig mynduð þið mæla með því að ég færi að því að MacGyvera þessar viftur aftur á sinn stað? Mér dettur í hug að reyna að finna mér nógu mjó arabahandjárn (e. zip ties) til að passa gegnum teygjugötin og reyna að nota þau, er einhver með betri lausn?
