Google bíllinn

[appel]

Google's new self-driving car has no steering wheel or brake
http://edition.cnn.com/2014/05/28/tech/ ... iving-car/


Ég er búinn að kaupa það... þ.e. þessa hugmynd. Sjálfkeyrandi bílar eru algjörlega framtíðin. Ég þoli ekki bílaborgina, einkabílinn og hve dýrir þeir eru og frekir á pláss.

Maður sér fyrir sér eftir 20 ár verði bílarnir allir sjálfkeyrandi. Það verða flotar sjálfkeyrandi (autonomous) bíla á sveimi um borgina, sækjandi farþega eða skutla farþegum á milli staða. Doldið svona einsog leigubílar eru, en mun fleiri og mun betri nýtni.

Einkabíllinn verður horfinn að mestu. Það verður miklu betri nýtni á gatnakerfinu. Ekki þarf lengur neitt pláss fyrir bílastæði, bílastæðin verða minnisvarði um sóun fyrri tíma og byrjað verður að fría upp mestmegnið af því landsvæði sem fer núna til spillis undir samgöngukerfið. Í staðinn fyrir 120 þúsund bifreiðar þá duga 10-20 þúsund sjálfkeyrandi bifreiðar. Við getum farið að fækka götum, ekki þarf lengur að leggja mislæg gatnamót, og allskyns ljót umferðamannvirki verða rifin. Við munum aldrei sjá aftur bílastæði yfirfull af stöðnuðum bílum, bíðandi eftir að eigandi þeirra þarf á þeim að halda. Bílastæðahús verða óþörf.

Svo munu umferðarslys nær hverfa, banaslys og örkumlun vegna árekstra heyra sögunni til.

Bílaframleiðendur munu deyja drottni sínum í þessum nýjum veruleika, þar sem mun minni eftirspurn verður eftir einkabifreiðum. Þeir sem reyna að þrauka það þurfa að aðlagast og framleiða slíka bíla. Google virðist í lykilaðstöðu vegna þróunar í sjálfkeyrandi tækni og gervigreind. Hver hafði séð það fyrir, að stærsti bifreiðaframleiðandi heims myndi verða Google?

Augljóslega munu leigubílstjórar þurfa að finna sér eitthvað annað að gera. Atvinnubílstjórar almennt séð munu þurfa að finna sér annað að gera.

En þetta gæti líka gjörbylt vöruflutningum, hvort sem það eru pakkasendingar, stærri vöruflutningabifreiðar, pizza-sendingar o.s.frv.

Strætisvagnakerfið verður óþarft.



Mjöööög áhugaverð framtíðartækni

[Stutturdreki]

Þetta er ótrúlega spennandi framtíðarsýn, þanngað til maður þarf að fara að bíða eftir bíl á morgnanna til að komast í vinnuna

Annars sé ég ekkert sérstaklega fyrir mér að google fari sjálfir að framleiða bíla, frekar að framleiðendur noti dótið þeirra. Hefur amk. verið að virka þannig hingað til.

[jericho]

Vá hvað ég er sammála OP. Þetta er framtíðin og ég vona að ég lifi til að verða vitni að þessu.

Hrikalega spennandi og maður getur rétt ímyndað sér "vandamálin" sem þarf að sigrast á:

• Birtustig (t.d. dagur/nótt)
• Veðurfar (t.d. rigning, snjór, frost)
• Óhöpp (t.d. sprungið dekk, vélarbilun á rauðu ljósi)
• ...og svo margt fleira

..bíða eftir bíl á morgnanna til að komast í vinnuna...

Lausn: pöntunarkerfi - bíllinn tilbúinn fyrir utan hjá þér á fyrirfram ákveðnum tíma.

[KermitTheFrog]

Hvernig ætli verði tekið á öllu atvinnuleysinu sem kæmi í kjölfarið? Auknar bætur? Það hlýtur að sparast hellingur bið það að losna við einkabíla af götunni.

[Bjosep]

Annað sem gæti orðið samhliða þessari þróun væri það að fólk gæti unnið vinnuna heima hjá sér. Mun þó bara nýtast hluta allra en telur samt til fækkunar bíla.

[appel]

Þetta er meiriháttar sparnaður fyrir allt samfélagið.

Lítið út um gluggann hjá ykkur, líklega eru tugir ef ekki hundruðir bílar sem þið sjáið á bílastæðum fyrir utan, að gera ekki neitt, bara bíða eftir að vinnudeginum lýkur. Týpískur einkabíll er með mjög litla nýtni, 95% af tímanum situr hann bara í bílastæði bíðandi eftir að verða notaður. Það er ekki pláss fyrir fleiri bíla í umferðinni eða annarsstaðar.

Hvað biðtíma eftir bíl varðar, þá tel ég það verði nokkur fyrirtæki sem reka flota af sjálfkeyrandi bílum, og þau bjóða upp á mismunandi þjónustustig. Eitt fyrirtæki er ódýrt en biðtími lengri, annað fyrirtæki er dýrara en minni biðtími, svo gæti maður pantað forgangsþjónustu og þá kemur bíll eftir innan mínútu en þá borgar maður fyrir það aukalega.

Ljóst er þó að skapast vandamál þegar allir þurfa að komast á milli staða á sama tíma, t.d. á morgnanna eða dagslok. Líklega munum við bara aðlagast því, dreifa því yfir lengra tímabil. T.d. verður dýrara að nota þjónustuna á álagstímum.


Hvort einkabíllinn hverfi alveg... maður veit ekki. Kannski fólk geti enn keypt sér einka-sjálfkeyrandi bíl, en held að það verði bara tilgangslaust og dýrt fyrir flesta. Ríkir munu e.t.v. geta það. Kannski einhverjir geta hópað sig saman um að kaupa einn bíl til að samnota, en aftur er það tilgangslaust því jafnvel ódýrara er að nota aðrar lausnir.


A.m.k. held ég að sýn okkar á samgöngumáta muni breytast á næstu 10-20 árum. Að því leytinu er mikil óráðsía að eyða tug milljörðum í uppbyggingu á gatnakerfi fyrir einkabílinn (X-D) sem er líklega í útrýmingarhættu.

[Gislinn]

Hvernig ætli verði tekið á öllu atvinnuleysinu sem kæmi í kjölfarið? Auknar bætur? Það hlýtur að sparast hellingur bið það að losna við einkabíla af götunni.

Samfélag á ekki að halda í úrelt störf í þeim eina tilgang að minnka atvinnuleysi að mínu mati.

Til OP, rétt eins og þú þá þoli ég ekki einkabílamenningu íslendinga og hve dýrir og plássfrekir bílar eru. Ég hef þótt littla trú á að framtíðarsýn þín verði nokkurn tímann veruleiki. Ég trúi ekki að sjálfkeyrandi bílar muni eyða einkabílnum algerlega, ekkert frekar en neðanjarðarlestar, strætó eða aðrar almenningssamgöngur hafa gert hingað til (enda er hugmyndin sem þú leggur til ekkert annað en einstaklingsmiðaðar almenningssamgöngur, sem ég er reyndar mjög fylgjandi). Það mun alltaf vera fólk sem mun vilja eiga sitt eigið farartæki (hvort sem það er sjálfkeyrandi bíll eða ekki).

Minn stærsti draumur er að losna við einkabílinn af mínu heimili og helst úr samfélaginu. Ég held að það þurfi mikla breytingu á hugsunarhætti almennt ef samgöngur eiga að breytast verulega.

[urban]

Í staðinn fyrir 120 þúsund bifreiðar þá duga 10-20 þúsund sjálfkeyrandi bifreiðar.

nei, þetta er rangt, þetta er ekki að fara að gerast svona.

Ekki nema að þú sért tilbúin að vakna klukkan 5 til þess að ná bílnum sem að þú pantaðir klukkan hálf6
þú þarft samt ekkert að mæta í vinnu fyrr en hálf 9
en það bara fást engir bílar fyrr en eftir 9 eða á þessum tíma.
einsog þú komst inná í næsta pósti hjá þér (sagðir t.d. þetta)

T.d. verður dýrara að nota þjónustuna á álagstímum.

Fólk er ekki úti á götunum á sama tíma bara til þess að vera pirrandi og fyrir.
atvinnu og skólalíf byrjar bara að megninu til á sama eina og hálfa tímanum og þess vegna þarf mikið meiri fjölda en 10 - 20 þús.
það að ætla að rukka meira þegar að fólk þarf að komast hlutina er bara ekki í lagi

10 - 20 þús gæti dugað(grunar mig) höfuðborgarsvæðinu á tímabilunum frá 09:30 - 11:30 og svo aftur 13:30 - 15:30 og síðan eftir kvöldmat og fram á morgun
en á annatíma væri þetta hvergi nálægt því að vera nægilega mikið, síðan áttu restina af landinu eftir.


En aftur á móti er ég alveg sammála þér í hinu, hugmyndin er brilljant, þetta verður svona (eða svipað) en ég er hræddur um það að það sé meira en 20 ár í þetta (vona samt ekki)

Annað sem gæti orðið samhliða þessari þróun væri það að fólk gæti unnið vinnuna heima hjá sér. Mun þó bara nýtast hluta allra en telur samt til fækkunar bíla.

það eru bara í fyrsta lagi ekki nærrum því allir sem að vinna við tölvu eða eitthvað sem að hægt er að gera heima hjá sér (ég vinn t.d. við flutninga)

[Stutturdreki]

Það hefur nú reyndar komið oftar en einu sinni til tals að breyta þessu, þe. að allir skelli sér í umferðarstuðið á sama tíma, hérna á klaknaum. Ótrúlega bjánalegt fyrirkomulag.

En það er ekkert því til fyrirstöðu að svona persónumiðaðar almenningsamgöngur virki við hliðina á framtíðareinkabíl, en sá einkabíll verður án stýris

[biturk]

Verður aldrei vona ég, kýs að hafa minn einkabíl/bíla í friði, þetta er nefnilega líka áhugamál hjá mér og mjög mörgum

Svo gengur þetta aldrei fyrir nema hluta af 101 liðinu og engann á landsbyggðinni

[Stutturdreki]

Þetta myndi reyndar alveg svínvirka fyrir mig, bý í 210, vinn í Borgartúni og nenni hvorki að vera á bíl né hjóla.

[appel]

Ég held að þróunin á Íslandi ráðist af þróuninni úti í heimi.

Vandamálið með einkabílinn úti í heimi er að hann er bara ekki nægilega praktískur. T.d. væru svona snjallbílar, eða hvað sem á að kalla þá, alveg kjörnir fyrir stórborgir einsog New York, eða London.

Svo eru Kínverjar í tómu basli með einkabílinn, bæði er alltof margir bílar komnir í umferðina og mengunin er alveg gígantísk.

Þegar þessi tækni hjá Google er orðin "tried-and-tested" þá munu pólitíkusar líklega átta sig á þeim kostum sem fylgir þessu og enda á því að banna einkabílinn.

[Stutturdreki]

Til að byrja með yrði svona búnaður væntanlega bara settur í einkabílinn og hann seldur sem svoleiðis.

Yrði kool ef maður gæti svo bara sent bílinn til að skutlast með krakkanna, það þarf væntanlega ekki einstakling með bílpróf til að stýra þessu.

[Viktor]

Hef lengi velt því fyrir mér hversu ótrúlega heimsk og léleg uppfinning bíllinn er. Þetta er frábær þróun.

[appel]

Hef lengi velt því fyrir mér hversu ótrúlega heimsk og léleg uppfinning bíllinn er. Þetta er frábær þróun.

Bíllinn sem slíkur var frábær uppfinning. Hann tók við af hestvagninum.

Hinsvegar upp úr 1950-1960 breyttist bíllinn úr því að vera tækniframför frá hestakerrunni yfir í þennan "einkabíl" sem við þekkjum í dag með tilkomu úthverfavæðingar í Bandaríkjunum. Með tilkomu úthverfavæðingar í BNA þá varð einkabíllinn að ákveðnu frelsis-tákni.

En í rauninni er einkabíllinn ekkert annað en næsta stig fyrir ofan hestakerruna í tækniframförum.

Ef þú værir að byggja borg í dag frá grunni þá myndir þú ekki vilja hafa þennan fjanda sem einkabíllinn er. En annarsstaðar má hann alveg vera áfram, en ekki innan borga.

[Bjosep]

Annað sem gæti orðið samhliða þessari þróun væri það að fólk gæti unnið vinnuna heima hjá sér. Mun þó bara nýtast hluta allra en telur samt til fækkunar bíla.

það eru bara í fyrsta lagi ekki nærrum því allir sem að vinna við tölvu eða eitthvað sem að hægt er að gera heima hjá sér (ég vinn t.d. við flutninga)

sbr. "mun bara nýtast hluta allra"

Kannski ekki best orðaða setning dagsins þó

[dori]

Ég vona að þetta gerist "fljólega" (þú nefnir 20 ár en mér finnst það smá bjartsýnt). Það sem ég held að muni standa mest í vegi fyrir þessari þróun er þetta sem KermitTheFrog nefnir.

Það er frábært að fólk missi vinnuna þegar það sem það er að gera er orðið gagnslaust og þannig hægt að fría það til að gera eitthvað annað gagnlegra við tímann sinn. En það mun alltaf myndast núningur og "save our jobs" barátta. IMHO mun það valda því að þessi þróun mun verða mun hægari en mögulegt væri og pottþétt einhver hluti hennar verður bannaður útaf ímyndaðri hættu sem er svo blásin upp til að búa til einhverja nauðsyn fyrir fólk í bílaverksmiðjunum (auðvitað mun eitthvað þess fólks halda áfram að búa til sjálfstýrða bíla en það þarf ekki næstum því jafn marga í það) eða atvinnubílstjóra.

[slapi]

[capteinninn]

Þetta verður alveg ótrúlegt, hlakkar mikið til þegar þetta verður standard þótt ég sé reyndar ekki hrifinn af því að eitt fyrirtæki sjái um allan akstur í kjölfarið. Það er samt auðvelt að laga það.

[urban]

Ef þú værir að byggja borg í dag frá grunni þá myndir þú ekki vilja hafa þennan fjanda sem einkabíllinn er. En annarsstaðar má hann alveg vera áfram, en ekki innan borga.

Ef að þú værir að byggja borg frá grunni í dag þá væri hún töluvert öðruvísi en borgir eru í dag.
T.d. kæmist allt höfuðborgarsvæðið leikandi fyrir á seltjarnarnesinu.

Semsagt, það væri engin tilgangur fyrir einkabílinn (eða bíl reyndar yfir höfuð)
en borgir hafa ekki verið hannaðar með það í huga að fækka bílum og það að ætla að fara að gera það 150 árum of seint (einsog sumir virðast vilja sem að stjórna í rvk) er einfaldlega ekki að fara að virka.

[appel]

Bens bíllinn:

[Tbot]

Gaman að menn geti verið bjartsýnir.

Held að það verði ansi mikið fjör þegar vírusar og hacking byrja að stjórna þessum græjum, ætlaðir að skella þér í bæinn frá Kópavogi en endar í höfninni í Keflavík.

Mundu að panta sjúkrabílinn tímanlega,

Þar sem þetta væri mesti raunhæfi möguleikinn eru stórborgir, er ekki að sjá að þetta virki í strjálbýli.

[Jimmy]

Held að það verði ansi mikið fjör þegar vírusar og hacking byrja að stjórna þessum græjum, ætlaðir að skella þér í bæinn frá Kópavogi en endar í höfninni í Keflavík.

Mikið ofboðslega er maður búinn að heyra þetta oft, um allt.

Annars verandi að missa sjónina þá vill ég fá þetta í gang sem allra fyrst, þvílíkur lúxus sem þetta verður.

[hkr]

Held að það verði ansi mikið fjör þegar vírusar og hacking byrja að stjórna þessum græjum, ætlaðir að skella þér í bæinn frá Kópavogi en endar í höfninni í Keflavík.

Mikið ofboðslega er maður búinn að heyra þetta oft, um allt.

Annars verandi að missa sjónina þá vill ég fá þetta í gang sem allra fyrst, þvílíkur lúxus sem þetta verður.

[Jimmy]

Snilld. Þetta ýtir undir öryggið áður en göturnar fyllast af þessum græjum.