Ég gerði rosaflott excel skjal yfir kostnað íhluta, las ótal reviews, gerði nokkra núbbaþræði hérna á vaktina, skipti hver veit hversu oft um skoðun með helstu íhluti, var búinn að ákveða en þá kom eitthvað nýtt og betra, o.s.frv.
En að lokum var listi íhluta ákveðinn, og er svona:
Kassi: Cooler Master HAF X, keyptur lítillega notaður af daanielin hér á vaktinni
Aflgjafi: Corsair HX850W
Móðurborð: ASUS P6X58D-E, flutt inn frá DK
Örgjörvi: Intel Core i7-950, flutt inn frá BNA
Örgjörvakæling: Noctua NH-D14
Vinnsluminni: Mushkin Enhanced Blackline Ridgeback 3x2GB, flutt inn frá BNA
Skjákort: PNY GeForce GTX 570, flutt inn frá BNA
Hljóðkort: ASUS Xonar DX
SSD: OCZ Vertex 2 120GB, flutt inn frá BNA
HDD: 2x Samsung 1TB í RAID1
Heyrnartól: Sennheiser PC360 G4ME, flutt inn frá DK
Ég átti þegar nýtt lyklaborð og gamla G5 músin sem ég fékk með gömlu borðtölvunni er enn í góðu lagi, svo einu jaðartækin sem mig vantaði voru góð leikjaheyrnartól. Þar sem ég gat fengið þau frá danmörku og því um helmingi ódýrari en þau yrðu hér á landi fór ég beint í það besta, sem reyndist vera góð ákvörðun.
Ég fékk allt dótið heim til mín 5. janúar og réðst beint í samsetningu. Ég hef aldrei áður sett saman tölvu, svo ég fékk með mér hjálparhellu sem hefur töluvert meiri reynslu af þessu en ég.
En byrjum að unboxa.
Solid state drifið:
Innihald kassans, bæklingur, límmiði, 3.5" adapter bracket og drifið sjált
Besti límmiðinn
Skjákortið!
Kassinn opnaður
Aukahlutirnir: driver diskur, DVI-to-VGA converter, MiniHDMI-to-HDMI converter og dual-molex-to-PCIe 6-pin adaptor
Kortið sjálft
RIdgeback minniskubbarnir frá Mushkin
Örgjörvinn. Þar sem ég ætlaði hvort eð er að henda stock viftunni, þá sagði ég vini mínum sem flutti hann inn að taka bara kubbinn sjálfan og proof-of-purchase.
Hljóðkortið
Aukahlutirnir með hljóðkortinu: manual, 3-pin-to-molex adaptor, low-profile bracket, mini-jack-to-RCA adaptor og eitthvað dót fyrir digital output
Kortið sjálft
Móðurborðið
Aukahlutirnir með móðurborðinu: Quickstart guide, manual, I/O shield, nokkrir SATA kaplar, bæði SATAII og III, 2-way og 3-way SLI tengi o.s.frv. Engar skrúfur með.
Borðið sjálft
I/O panel
Aflgjafinn
Kassinn opnaður, gleymdi að taka myndir af aukahlutunum með honum, en með þessu fylgdi powersnúra, einhverjar leiðbeiningar og poki með öllum helstu rafmagnstengjum fyrir íhlutina.
Kominn uppúr:
Noctua!
Kæliplatan
Heatsinks og viftur
Í þann mund að setja örgjörvann í borðið
Samsetningin gekk mjög vel, fyrir utan smá ævintýri þegar við gerðum okkur grein fyrir því að við værum ekki með neinar móðurborðsskrúfur. Ég hrindi út um allan bæ í alla þá sem mér datt í hug að gætu átt skrúfur, en það gekk ekki. Ég gerði þráð á vaktinni, en þar var fátt um svör. Ég gróf að lokum fram gamla heimilistölvu sem er ekki lengur í notkun með það í huga að stela úr henni skrúfum, en komst að því, mér til mikillar mæðu, að þar sem þetta var dell tölva var móðurborðið ekki með venjulegum skrúfum, heldur einhverskonar boltum.
Þetta reddaðist hins vegar að lokum, því sami vinur minn og hafði flutt inn tölvudótið frá BNA sagðist eiga gamla ónýta heimilistölvu sem við mættum kryfja. Við brunuðum af stað og gátum fengið úr tölvunni 6 skrúfur, sem er tæknilega séð þremur of lítið, en með smá lagni og "strategic placement" á skrúfum, þá hafðist þetta.
Samsetningu lokið
Stund sannleikans:
Hún kveikti á sér!
Þetta fór semsagt allt að óskum og ég er að skrifa þennan þráð á nýju tölvuna. Hún stendur sig ótrúlega vel, lenti ekki í neinum vandræðum með RAID setup, nema örlítið vegna eigin vankunnáttu, átti eftir að formatta array-ið og þess vegna birtist það ekki í My Computer, en ég fann út úr því. Móðurborðsskrúfuævintýrið borgaði sig líka, því á meðan ég var að grafa upp gömlu tölvuna fann ég þennan fínasta 20" dell skjá, sem ég setti að sjálfsögðu upp við hliðina á mínum eigin. Hér má sjá aðstöðuna eins og hún er núna:
](./images/smilies/eusa_wall.gif "Brick wall")
Já ég veit, þetta er í rugli. Klukkan var orðin margt og mig langaði bara að vera búinn að þessu, en ég þarf klárlega að laga cable management bráðlega.
