Ertu að tala um þessa uppsögn?
https://www.mbl.is/frettir/innlent/2025 ... samningum/Ég þekki ágætlega til þessa geira, var heimalingur á Hrafnistu og Droplaugarstöðum því mamma vann þar + hef svo sjálfur unnið og vinn í heilbrigðisgeiranum í 12+ ár.
Ég vil í raun hrósa þessari baráttu hjá Eflingu.
Með því að færa þetta til betri vegar þá verður betur tryggð viðeigandi mönnun á hjúkrunarheimilum.
Það gengur ekki að þegar 4 af 8 mæta í vinnuna og þessi 4 sem mæta fái ekkert aukalega fyrir að bera þá ábyrgð og vinna þá vinnu sem 8 manns áttu að vinna. Jafnvel með það aðstandendur æpandi og öskrandi yfir lélegri þjónustu.
Þá er þetta það sem fólk á hjúkrunarheimilum er að broga fyrir og á skilið að fá, þau borga feitar summur af tekjunum sínum til hjúkrunarheimilisins og eiga að sjálfsögðu að fá topp þjónustu.
Þá er þetta mikið öryggis- og gæðamál sem verður að færa til betri vegar.
Áherslan er því ekki á launaskrið heldur að vinnuveitendur hafa ekki staðið við gefin loforð um að koma af stað þeirri vinnu sem lofað var að yrði unnin, sem átti að koma með lausnir á þessu vandamáli.
Það er verið að greiða arð frá þessum félögum sem eru að reka þessi heimili (sem á held ég að vera bannað), þau eiga að fjárfesta öllum hagnaði í sinni starfsemi.
Það er því mjög margt í þessum geira sem er skrítið og þarf að vinna í, sem er mikið samfélagsmál og snýst bara um að aldraðir fái viðeigandi umönnun og séu ekki bara hafðir að féþúfu.
Það má gagnrýna hana fyrir mjög margt en akkúrat þetta er ekki eitt af því... þetta er ekki "bara af því bara" og höfrungahlaup, þetta held ég að sé gert af hugsjón og eldmóð fyrir starfsfólkið og skjólstæðingana.