spjallid.is

Ég var að klára að taka lokaprófin í stærðfræði, mér fannst ganga mjög vel í seinna prófinu en ég byrjaði ok á hinu en svo bara fraus ég algjörlega og skíthræddur um að hafa klúðrað því algjörlega. Ég var mun stressaðri fyrir fyrra prófinu þar sem það var í skólanum en hitt var heimapróf en sömu tímamörk og fleiri dæmi til að leysa í því.
Til marks um hvað ég fraus mikið í hinu prófinu að þá mátti hafa formúlublöð en ég kíkti ekki einu sinni á þau til að hjálpa mér fyrr en kennarinn benti mér á það.

Verðið þið stressaðir fyrir próf og ef svo er, hvað finnst ykkur hjálpa bæði fyrir og svo í prófinu ef ykkur finnst þið alveg fastir?

Fá sér bjór? Allavegna eftir prófið, ekki fyrir.

Ég var með rútínu í prófum, sérstaklega í stærðfræði prófum.

Fyrsta sem að ég gerði var að fara í gegnum allt prófið og litamerkja dæmin:

Grænt fyrir dæmi sem ég taldi mig vita strax hvernig ætti að leysa, mjög gott að skrifa eina línu efst á blað.
"Regla Eulers", "Eigin gildis útreikningur eru í formúlublaði, reit nr X" eitthvað svoleiðis.

Rautt fyrir það sem ég vildi gera síðast (tímafrek eða ill-leysanleg dæmi)

Blá fyrir þau sem ég vildi spyrja kennarann frekar út í.

Þá gat ég byrjað á að leysa grænu dæmin.

Yfirleitt var kennarinn að taka fyrsta rúnt um stofuna þegar ég var ennþá að leysa græn dæmi.
Spurði kennarann um það sem að mér þótti óljóst eða vildi fá útskýringu á. Merkti svo dæmin græn eða rauð eftir svörin.

Kláraði grænu dæmin.

Tók fljóta yfirferð yfir rauðu dæmin og merkti græn þau sem að ég var nokkuð viss um að ná að svara/klára, oft er hægt að skora stig fyrir að sýna skilning þó svo að maður klári ekki dæmið eða geri það ekki alveg rétt.

Reyndi svo eftir bestu getu að klára rauðu dæmin.

Geggjað svar hjá Baldri hér að ofan. Ég hef bara lesið spurningar og legg gróft mat á hvernig ég skora sem flest stig með minnstri fyrirhöfn.

En svo er prinsipp að skipuleggja lærdóminn svo að maður nái góðum svefn fyrir prófið, mæta tímanlega og vel nærður... og loka trixið... ýkja hægar hreyfingar s.s. ganga viljandi mjög rólega, taka hverja einustu tröppu, setjast snemma inn í stofuna og ekki vera skapa neinn asa að óþörfu.

rapport skrifaði:Geggjað svar hjá Baldri hér að ofan. Ég hef bara lesið spurningar og legg gróft mat á hvernig ég skora sem flest stig með minnstri fyrirhöfn.

En svo er prinsipp að skipuleggja lærdóminn svo að maður nái góðum svefn fyrir prófið, mæta tímanlega og vel nærður... og loka trixið... ýkja hægar hreyfingar s.s. ganga viljandi mjög rólega, taka hverja einustu tröppu, setjast snemma inn í stofuna og ekki vera skapa neinn asa að óþörfu.

Svefninn er mjög mikilvægur, reyna að ná góðri rútínu dagana fyrir próf og á meðan prófum stendur.

Hafa eitthvað nesti með sér í prófið er líka mikilvægt, það er bæði orka og eitthvað til að dreifa huganum.

Ég kannski lærði yfir mig daginn fyrir prófið ef það er hægt, ég var alveg að til að verða miðnætti að læra og gera dæmi - en prófið var um 9 leytið um morguninn. Svo var ég líka stressaður fyrir prófið og var lengi að festa svefn.

Gildir um allt stress.

Læra að trappa sig niður með því að draga djúpt andann.

Gildir einu hvort þú ert í prófi, fastur í umferð eða bara í flugvél fullri af grenjandi börnum.

Sumir myndu kalla þetta núvitund. Aðrir eitthvað annað.

svanur08 skrifaði:Fá sér bjór? Allavegna eftir prófið, ekki fyrir.

Mitt ráð er að gera ekki þetta

Svo náttúrlega bara að undirbúa sig. Hvað er það versta sem getur gerst? Fell í prófinu. Hvað gerist þá? Tek það aftur. En ef það gengur ekki? Tek áfangann aftur. Mun ég ráða við þetta? Já.

Eðluheilinn okkar er mjög duglegur að búa til hættur sem eru ekki raunverulegar. Það gagnaðist vel þegar við vorum í lífshættu hvert sem við fórum í fornöld en ekki mjög gagnlegt í samfélagi dagsins í dag.

Tala við læknirinn og fá róandi?

Takk fyrir svörin.

Jæja, þetta var víst ekki eins mikil skita og ég hélt haha... var vel yfir lágmarkseinkunn. Þannig að nú er bara að njóta jólafrísins.

Ég lærði aldrei kvöldið áður fyrir próf og tæmdi hugann með einhverri action mynd.

Ég hef sjaldan fundið fyrir prófstreitu og gengur oftast vel. Fyrir mér skiptir mestu máli að hafa áhuga á því sem ég er að læra þá gengur þetta næstum af sjálfu sér. Ef efnið er leiðinlegt, reyni ég að pikka upp áherslur hjá kennara, fylgjast með skyndiprófum og hugsa hvernig próf ég myndi gera. Að taka vel eftir í tímum er lykilatriði. Ég man þegar ég gerði svindlmiða, en þurfti aldrei að nota hann þar sem ég mundi allt sem ég skrifaði. Það gæti hentað sumum.

Ég fór í prófbúðir fyrir tölfræði og líkindareikning. Sá sem sá um prófbúðirnar eru stærðfræði savant, fer erlendis að keppa í stærðfræði. Það er thing.

Það sem hann gerir til að undirbúa sig fyrir keppnir.

Fyrir próf/keppnir.
- Hvíld. Síðasta daginn fyrir mótið æfir hann sig ekkert. Slappar af, fer út að hlaupa, horfa á mynd, allt nema stærðfræði.
- Hreyfing. Hann stundar líkamsrækt, en passar alltaf að ná góðri æfingu fyrir próf.
- Svefn. Að ná 8 klst er mjög mikilvægt en mikilvægara er að vakna amk. 2 klst fyrir próf. Það tekur heilan tíma að "boot"-a. Próf/mót klukkan 8:00, þá fer hann á fætur í seinasta lagi klukkan 6:00.
- Kolvetnisrík máltíð. Fyrir keppnir borðar hann kolvetnisríka máltíð, en ekki þunga máltíð.
- Vatn. Drekka mikið af því.
- Dökkt súkkulaði. Hann sagði að það eru ekki endilega gildar rannsóknir að dökkt súkkulaði hjálpi, en í flest öllum mótum sem hann hefur mætt í eru keppendum gefið dökkt súkkulaði.

- Bonus. Stundum fyrir prófið gerir hann léttar stærðfræðiæfingar eða aðra heilaleikfimi, en ekkert of þungt. Þetta er meira bara til að komast sér í gang. Ég sleppti þessi alveg.

Í prófinu/keppnum
- Basically allt sem Baldurmar sagði.

Ég vildi óska þess að ég hefði lært þetta fyrr því bara það að fylgja þessum ráðum varð til þess að ég fékk ekki undir 9 í prófum.

Augljóslega er mikilvægt að læra jafnt og þétt yfir önnina, ekki slugsa og reyna að lært allt á síðustu metrunum.

Sóbríl.