spjallid.is

Til hvers eru þessar stofnanir eiginlega ef ekki til að þjónusta?
Einsog leitað sé allra leiða til að losna við að borga fólki, allskonar "gotchas" í lögum og reglum sem þessar stofnanir nota til að klekkja á þér.

Var á sjúkrahúsi eftir alvarlegt bílslys þegar fundurinn hjá Vinnumálastofnun átti að fara fram – Kallar framkomu stofnunarinnar í kjölfarið hreina mannvonsku
https://www.dv.is/frettir/2023/12/20/va ... annvonsku/

Það sem mér finnst áhugavert er líka þetta:

Vinnumálastofnun rakti að það sé skilyrði laga um atvinnuleysisbætur að þiggjendur slíkra bóta séu í virkri atvinnuleit og séu tilbúnir að taka hvert það starf sem greitt sé fyrir, starfi hvar sem er á Íslandi án fyrirvara og hafa til þess vilja og getu.

Þannig að einstaklingar sem eru með fjölskyldu, börn í skólum, húsnæði, og öll samfélagsleg tengsl á einum stað, þá er þeim skylt að taka við starfi hinum megin á landinu? Bara flytja þangað ella missa allar bætur? Hvernig er hægt að vera með svona rugl ákvæði um nauðungaflutninga á fólki.

Svo er það í nútímanum að hægt er að stunda atvinnuleit þó viðkomandi fari í eina viku til útlanda. Bæði eru til fjarfundir og oftast senda menn jú CV sitt í rafrænu formi. Veit ekki hvaða sýn Vinnumálastofnun hefur á "atvinnuleit", er það niðurlútinn maður í jakkafötum sem gengur um á milli fyrirtækja biðjandi um starf með CV sitt á pappírsformi?

Maður veltir fyrir sér hvort þetta ákvæði um að vera "staddur á Íslandi" samræmist EES reglur.
T.d. pólverji sem missir vinnuna, hefur ekki efni á húsnæði, flytur aftur til Póllands, en vill vinna hérna áfram en fær ekki bætur á meðan hann er í atvinnuleit hérna á landi.
Svo er það líka til að menn geta farið í atvinnuviðtöl erlendis!! Kannski erlent fyrirtæki með höfuðstöðvar í Noregi en með starfsstöð hér en viðkomandi þarf að ferðast til Noregs til að hitta menn þar! Allskonar til.

Þessar reglur hljóta að hafa verið skrifaðar c.a. 1960.

Hætta örorkubótum, atvinnuleysisbótum, fjárhagsaðstoð sveitarfélaga, vaxtabótum, húsaleigubótum og lífeyris tekjutryggingu ... og hafa bara borgaralaun.

Sparar líklega hundruðir starfsmanna, tug stofnana og óhamingju og mismunun þúsunda.

Það fá allir vinnu í dag. Bara margir orðnir of stoltir og góðir til að vinna skúringavinnu ofl. Aldur er allavegana lítil afsökun.

Hef verið atvinnulaus max 10 daga. Síðustu 20ár.
Missti rafvirkjavinnuna 2007 og vann í hagkaup á næturvöktum og um helgar næstu 4-5árin og bætti við mig skólagráðu.

Flestir hérna eldri enn tveggja vetra skilja svona grenju frétt. Yfirleitt svona hálf saga og þarna er einhver alger haugur sem finnst hann eiga ekki þurfa að hafa fyrir bótalífinu.

Aldrei öll sagan sögð í fjölmiðlum, engin sérfræðingur er þvingaður í skúringar, þetta er bara bull og er bara sagt til að ýtta undir einhverja hræðslu.

Ert heldur ekki þvingaður að vinna annars staðar en á þínu vinnusvæði, getur meira segja fengið ferðast til útlandastyrk ef þér langar að leita að vinnu erlendis, margir nota hann til spánar eða póllands...

Var atvinnulaus eftir nám í smá tíma og það hefði nú alveg mátt ýtta meira, en maður var alveg látinn í friði og treyst til að leita sjálfur af vinnu. Það eru endalausir sjénsar gefðir, félagar mínir misstu af fundum en ef það gerðist svo aftur detta menn eðlilega af bótum, en þá er verið að tala um 12-36 mánaða atvinnuleysi.

Að benda á DV.is sem heimild er líka ekki neinum til framdráttar, einhliða sögur eftir hentugsemi, eins og fólk sem er verktakar og fær ekki bætur af viti (big búhú) hvorki fæðingarorlof né atvinnuleysisbætur, já því sumir borga sér engin laun eða reyna að fremsta magni að borga sem minnst í skatta til samfélagsins.

Stofnanir mega líka ekki svara bullinu, sem gerir þetta enn verra, því þegar fólk lýgur eða segir einhliða sögur þá má ekki leiðrétta það, því eðlilega gildir trúnaður um svona málefni.

Ég hef unnið á ýmsum stofnunum í gegnum tíðina og komið að afgreiðslu ýmiskonar mála beint og óbeint.

Óháð þessu einstaka máli þá er eins og málsmeðferð og afgreiðsla sumra stofnana taki ekki mið af því að þetta sé "þjónusta".

Það sem ég á við með "þjónusta" er að afgreiðslan á að skapa virði, einhverja málefnalega niðurstöðu og ef málið færi aftur og aftur í gegnum kerfið þá yrði alltaf komist að sömu niðurstöðu óháð því hvaða starfsmaður fengi m´laið til afgreiðslu.

Einhvernvegin upplifir maður það af sögum fólks sem maður þekkir og treystir að afgreiðsla sumra stofnana sé handahófskennd og háð duttlungum starfsmanna og hreinlega hvernig skapi þeir voru í þegar þeir voru með málið.

Það er einhver viðvarandi ákvarðanafælni og mál hringsóla í kerfinu (með tilheyrandi kostnaði) því engin þorir að taka ákvörðun því það hreinlega vantar að skilgreina ferla og verklag.

Erfiðustu og líklega ljóstustu málin tengjast flóttafólki og hælisleitendum en þar virðast þau ekki geta gert greinamun í sínum afgreiðslum á glæpamönnum og venjulkegu fólki og koma því fram við alla eins og þeir séu glæpamenn. Þá er kerfið dauðhrætt við að koma óvart betur fram við flóttamann en Íslending því þá fá þau á sig óvægna gagnrýni.

Vinnumálastofnun er svo ekki þekkt fyrir að vera sú ljúfasta og þar er aurinn oft sparaður en krónunni kastað. Málið hér að ofan gæti verið um einhvern dickhead sem er latur en það gæti líka verið einhver þrusu flottur sem var á háum launum og stofnunin hjólar í þetta til að spara sér mikla peninga... en þetta eru réttindi sem hann vann sér inn og hefur greitt fyrir. Þetta er ömurleg þjónusta og brýtur fólk niður, fólk sem þarf pepp.

Sýslumennirnir og sáttamiðlanir þeirra í forsjármálum o.þ.h. eru sér kapituli en þar gerast stundum frábærir hlutir en stundum alveg skelfilegir. Sumu vil ég hreinlega ekki trúa og ætla ekki að hafa eftir, það væri bara ljótt slúður. En að heyra hvernig sáttum er náð með málefnalegum hætti eftir áralangt streð er geggjað, þarna er líka gott fólk.

Barnavernd er svo starfsemi sem fær á sig endalausa gagnrýni og jú hefur sannarlega tekið rangar ákvarðanir en hefur líka reynst mörgum vel. En mér hefur alltaf fundist það stórfurðulegt að félagsþjónusta sveitafélaga og barnavernd starfi ekki skv. lögum um heilbrigðisstarfsfólk og lögum um sjúkraskrár þar sem þetta er upp til hópa heilbrigðisstarfsfólk, félagsráðgjafar, sálfræðingar, iðjuþjálfar o.þ.h. Ég held að með slíku fyrirkomulagi yrði þjónstunni settar skýrari skorður og hún yrði faglegri.

Heilbrigðisþjónsutan er líka orðin grimm því að það er fátt grimmara en að neita einhverjum um heilbrigðisþjónustu sem virkilega þarf á henni að halda. Geðheilbrigði hefur verið vanrækt lengi, áratugi sem og bráðaþjónusta en í þessu öllu þá hafa stjórnvöld loksins 20 árum seinna staðið við það sem var lofað, að fjármagna nýjan spítala.

Hvað ætli það hafi kostað að hafa fólk að störfum í 20 ár við að skipuleggja þessa framkvæmd?


En það er sannarlega rétt hjá appel að það er tilefni til umfjöllunar "stofnanamannvonska" því hún birtist í á allt of mörgum stöðum í margskonar formi.

Allt frá lélegu eftirliti í mannvirkjagerð (gölluð hús) yfir í að kælibúnaður í líkgeymslum kirkjugarðanna er svo úreltur að það er ekki hægt að fá varahluti.

Ég velti líka fyrir mér tilgangi allra mannauðsráðgjafanna hjá Reykjavíkurborg. Af fenginni reynslu þá sýnist mér þeir bara vera yfirmönnum innan handar við að halda fólkinu á gólfinu á mottunni á meðan yfirmaðurinn fær auðan tékka til að skíta upp á bak, endalaust.

rapport skrifaði:Óháð þessu einstaka máli þá er eins og málsmeðferð og afgreiðsla sumra stofnana taki ekki mið af því að þetta sé "þjónusta".

Ég held að þú hafi hitt naglann á höfuðið návæmlega þarna.

Svo virðist stundum það sé eins og starfsfólk vinni sér inn punkta eða eitthvað ef þeim tekst að neita fólki um þjónustu.

Le Drum skrifaði:Ég velti líka fyrir mér tilgangi allra mannauðsráðgjafanna hjá Reykjavíkurborg. Af fenginni reynslu þá sýnist mér þeir bara vera yfirmönnum innan handar við að halda fólkinu á gólfinu á mottunni á meðan yfirmaðurinn fær auðan tékka til að skíta upp á bak, endalaust.

Ég var um tíma hjá borginni og var lengi hjá LSH, svona stórum stofnunum þar sem deildir og svið eru með dedicated mannauðsráðgjafa.

Gott faglegt mannauðsfólk gerir vinnustaðinn sannarlega betri og skapar aðstæður þar sem fólk getur fúnkerað vel alla daga.

Slæmt mannauðsfólk sogar til sín orku og skapar jafnvel chaoz sem orka starfsfólks og stjórnenda fer endalaust í að greiða úr.

Hjá þessum stóru opinberu aðilum þá eru official leiðir til að koma svona málum til betri vegar, t.d. heyra í mannauðsskrifstofu borgarinnar sem á að leiða mannauðsmálin og samræma þvert á borgina. Í extreme tilvikum þá ber starfsfólki að senda inn tilkynningar og getur sent nafnlaust í einhverja gátt hjá innri endurskoðun, uppljóstranagátt. Rétt eins og þegar tilkynnt er um bilun í tölvukerfi þá þarf að tiolkynna um bilun í stjórnun.. svo að hægt sé að bregaðst við og færa hlutina til betri vegar.

.

rapport skrifaði:

Le Drum skrifaði:Ég velti líka fyrir mér tilgangi allra mannauðsráðgjafanna hjá Reykjavíkurborg. Af fenginni reynslu þá sýnist mér þeir bara vera yfirmönnum innan handar við að halda fólkinu á gólfinu á mottunni á meðan yfirmaðurinn fær auðan tékka til að skíta upp á bak, endalaust.

Ég var um tíma hjá borginni og var lengi hjá LSH, svona stórum stofnunum þar sem deildir og svið eru með dedicated mannauðsráðgjafa.

Gott faglegt mannauðsfólk gerir vinnustaðinn sannarlega betri og skapar aðstæður þar sem fólk getur fúnkerað vel alla daga.

Slæmt mannauðsfólk sogar til sín orku og skapar jafnvel chaoz sem orka starfsfólks og stjórnenda fer endalaust í að greiða úr.

Hjá þessum stóru opinberu aðilum þá eru official leiðir til að koma svona málum til betri vegar, t.d. heyra í mannauðsskrifstofu borgarinnar sem á að leiða mannauðsmálin og samræma þvert á borgina. Í extreme tilvikum þá ber starfsfólki að senda inn tilkynningar og getur sent nafnlaust í einhverja gátt hjá innri endurskoðun, uppljóstranagátt. Rétt eins og þegar tilkynnt er um bilun í tölvukerfi þá þarf að tiolkynna um bilun í stjórnun.. svo að hægt sé að bregaðst við og færa hlutina til betri vegar.

Mannauðsdeildir eru til þess að sjá um starfsfólkið fyrir fyrirtækið.
Þær eru ekki fyrir starfsfólkið. Aldrei nokkurntíman halda það.

JReykdal skrifaði:Mannauðsdeildir eru til þess að sjá um starfsfólkið fyrir fyrirtækið.
Þær eru ekki fyrir starfsfólkið. Aldrei nokkurntíman halda það.

Nkl. en þær geta virkilega snúist í andhverfu sína þegar þau skapa chaoz en ekki tranquility

HR eða mannauðssviðin eru held ég uppá skrautið í minni vinnu, eina sem ég veit af þeim er þegar ég segi eitthvað rosa fyndið og þeir kalla mig upp á fund til að heyra jókið í persónu.

rapport skrifaði:Það er einhver viðvarandi ákvarðanafælni og mál hringsóla í kerfinu (með tilheyrandi kostnaði) því engin þorir að taka ákvörðun því það hreinlega vantar að skilgreina ferla og verklag.

Það er hægt að hafa allt í rugli útí það óendanlega meðan bjánarnir borga skattana sína.

appel skrifaði:Einsog leitað sé allra leiða til að losna við að borga fólki, allskonar "gotchas" í lögum og reglum sem þessar stofnanir nota til að klekkja á þér.

Þetta er svona allstaðar í félags- og heilbrigðiskerfinu. Og þetta kemur náttúrulega ofan frá, að einhverju leyti. Það er takmarkað butget, og þá verður að vinna úr svona.

jonsig skrifaði:skúringavinnu

Skúringarvinna er eflaust bara mjög góð vinna. En þú ert að keppa við tugþúsundir útlendinga.

Ég hef þurft að nota mikið þjónustu úr heilbrigðis- og tryggingakerfinu og mín reynsla er sú að Ísland er ekki notendavænt umhverfi. Notandinn virðist ekki skipta máli hjá hinum almenna starfskrafti.

Oddy skrifaði:Ég hef þurft að nota mikið þjónustu úr heilbrigðis- og tryggingakerfinu og mín reynsla er sú að Ísland er ekki notendavænt umhverfi. Notandinn virðist ekki skipta máli hjá hinum almenna starfskrafti.

Ég valdi að búa til þennan þráð frekar en annan þráð, sem var um "lífslokameðferð" ákvarðanatöku lækna. Ég veit ekki hvernig þeim hlutum er háttað hér, en ef það er ekki nefnd sem ræður þessu og hægt að áfrýja, þá samþykki ég aldrei þetta heilbrigðiskerfi hér. Menn eiga einnig að fá rétt til að "reyna" á eigin kostnað. En hérna virðist það vera þannig að ef einn læknir einhversstaðar, tilviljanakennt hvernig þú lendir á, þá getur hann sagt að þú sért "dauður" og ekkert né enginn hjálpar þér nema þú flýjir land útaf gallaða heilbrigðiskerfi.
Ef þú ert ekki heilbrigður, þá ertu dauður. Það virðist vera málið hér.
"Besta heilbrigðiskerfi i heimi" c.a. 2000, en núna er þetta bara þvættingur.

Bara sorglegt að eyða lífi sínu að gera ekki neitt og þykjast geta litið niður á vinnandi stéttir í þessari stöðu að vera atvinnulaus.
Finnast skúringar t.d. vera fyrir "minna sérstakt" fólk.
Og röfla yfir fólki sem er svo óheppið að þurfa að vinna í ríkis umhverfi og þjónustar ekki nógu vel manneskju sem amk tímabundið leggur ekkert til samfélagsins.

Það er ekkert langt í það að þessi velferðarkerfi fara að hrynja hvert af öðru á vesturlöndum útaf misnotkun.
Þá kemur aftur að "you work,you eat" eins kaldranalegt og það er.