Stöð2 hættir dreifingu í önnur kerfi

[Jón Ragnar]

Líkleg ástæða fyrir þessum breytingum: Boða komu HBO Max til landsins á ný

HBO hefur alltaf verið Síminn

[zetor]

Ef þeir eru að fara að fókusera meira á appið þá mættu þeir alveg uppfæra það, mér finnst viðmótið alveg handónýtt. Er ég einn á þeirri skoðun?

[codec]

Líkleg ástæða fyrir þessum breytingum: Boða komu HBO Max til landsins á ný

HBO hefur alltaf verið Síminn

Ekki alltaf, fyrir um 10 árum var Stöð 2 Heimili HBO en virðist vera að hverfa sem vörumerki í dag.

[agnarkb]

https://www.mbl.is/frettir/innlent/2025 ... _2_kvedur/

Spái því að þetta verði farið á hausinn fljótlega.

[rostungurinn77]

Ef nafninu verður breytt í Sýn þá er lágmark að sýna ljósbláar myndir á föstudags- og laugardagskvöldum

[agnarkb]

Ef nafninu verður breytt í Sýn þá er lágmark að sýna ljósbláar myndir á föstudags- og laugardagskvöldum

og Trufluð tilvera og Með Hausverk um Helgar.

[GuðjónR]

Ef nafninu verður breytt í Sýn þá er lágmark að sýna ljósbláar myndir á föstudags- og laugardagskvöldum

Þá ærast kellingarnar í vesturbænun.

[Pandemic]

Ég hlustaði á viðtal við forstjóra Sýn í morgun og gat ekki annað en hlegið þegar hún sagði að þau hefðu fengið ráðgjafafyrirtæki til að aðstoða við sameininguna.

Eru stjórnendur Sýn virkilega svona úr takti við eigin þjónustuupplifun að þau þurfi erlent ráðgjafafyrirtæki til að benda þeim á að þetta sé kannski ekki besta upplifunin?

Að fá reikninga frá Sýn, þurfa að fara inn á vodafone.is til að stjórna símaáskrift, fara á stod2.is til að kaupa sjónvarpsáskrift – og svo streyma öllu saman í gegnum NovaTV?

[agnarkb]

Ég hlustaði á viðtal við forstjóra Sýn í morgun og gat ekki annað en hlegið þegar hún sagði að þau hefðu fengið ráðgjafafyrirtæki til að aðstoða við sameininguna.

Eru stjórnendur Sýn virkilega svona úr takti við eigin þjónustuupplifun að þau þurfi erlent ráðgjafafyrirtæki til að benda þeim á að þetta sé kannski ekki besta upplifunin?

Það er alveg ofboðslega móðins á Íslandi að fá erlent ráðgjafafyrirtæki til að aðstoða vil allt og ekkert. Þetta þekki ég frá mínum starfsferli hjá Rvk.borg. Smá Gartner lykt af þessu öllusaman.

[kusi]

Það er sorglegt að sjá hvernig Stöð 2 hefur tapað stöðu sinni á þessum markaði á undanförnum áratug. Hér áður fyrr var stór hluti heimila með áskrift hjá þeim og raunar flestum heimilum sem ég þekkti til. Í dag veit ég varla um nokkurt heimili með áskrift.

Ég hef reynt í gegnum tíðina að vera áskrifandi hjá Stöð 2 með misjöfnum árangri.

Eitt skiptið tókst mér hreinlega ekki að stofna áskrift. Það var þá ekki hægt í gegnum heimasíðuna heldur þurfti að hringja og þjónustuverið var vitaskuld lokað. Ég sendi í framhaldinu tölvupósta og hékk á bið í símanum en á endanum gafst ég upp. Netflix áskrift gat ég aftur á móti stofnað á nokkrum mínútum.

Annað skipti tókst mér að fá áskrift en komst svo að því að áskriftarmódelið var í mörgum bútum og ekki augljóst hvað fylgdi hverju eða hver munurinn var. Ég hafði víst fengið áskrift sem leyfði mér aðallega að horfa á gamalt efni. Aftur á móti sá ég allt hitt í appinu þeirra og gat ekki auðveldlega áttað mig á hvað ég mátti sjá og hvað ekki. Þetta pirraði mig svo að ég sagði þessu strax upp.

Talandi um pirrandi þá var appið á þessum tíma mjög óþjált og langt á eftir samkeppnisaðilum. Veit ekki hvort það hefur batnað.

Stærsta vandamálið er aftur á móti verðið sem er einfaldlega út úr kortinu. Ef þú ert ekki sérleg áhugamanneskja um spurninga- og söngvakeppnir eða aðra raunveruleikaþætti með innlendum B-klassa stjörnum í aðalhlutverki þá er ekkert vit í að vera með áskrift af Stöð 2.


Til að draga þetta saman þá er þetta fyrirtæki sem sat einfaldlega á verðinum í mörg ár, klúðraði því að stökkva á vagninn þegar streymisveitur tóku yfir og verðleggur sig út af markaðinum. Það er synd samt því að Stöð 2 á heiður af mörgu af besta innlenda sjónvarpsefninu síðustu 30-40 árin. Sorglega hefur metnaðarfull efnisgerð vikið að mestu fyrir ódýrum raunveruleikaþáttum og því enn síður ástæða til að vera áskrifandi.

[GullMoli]

Það kemur SÝN app fyrir Samsung/LG á næstu vikum. AppleTV og annað fylgir í haust minnir mig.

[ABss]

Að vera með stöð 2 var æði sem krakki, mikið var suðað í gamla setrinu á sínum tíma. Eftir að ég flutti út hef ég ekki átt afruglara né áskrift af neinu svona, öðru en Spotify. Ég sé það ekki breytast á næstunni.

[dadik]

Það kemur SÝN app fyrir Samsung/LG á næstu vikum. AppleTV og annað fylgir í haust minnir mig.

Vonandi uppfæra þeir gamla appið fyrir Android í leiðinni, algjör hörmung að nota þetta.

[GullMoli]

Það kemur SÝN app fyrir Samsung/LG á næstu vikum. AppleTV og annað fylgir í haust minnir mig.

Vonandi uppfæra þeir gamla appið fyrir Android í leiðinni, algjör hörmung að nota þetta.

Já skilst að þetta sé uppfærsla á alla línuna bara. Aðkeypt lausn sem er verið að sníða til eftir þörfum, ætti þar af leiðandi að virka miklu betur en eitthvað heimasmíðað.

[Stuffz]

aldrei horft á stöð2 áður. svo mánuði eftir að ég byrjaði að horfa á fréttir þar í opinni dagskrá þá hætti það eftir x áratugi.

vonandi þetta núna hefur ekki áhrif á fréttirnar