Að kaupa sér rúm, hvað er best?

[Snaevar]

Nú fer að koma að því að mér og konunni vantar nýtt rúm í svefnherbergið. Okkar er gamalt og lúið.

Það vantar semsagt dýnu, botninn og allt dæmið.

Ég veit hreinlega ekkert um þetta, þegar ég skoða hjá Dorma, Svefn og heilsu, Betri bak etc þá sé ég rúm sem kostar 150þ, og annað sem lítur alveg eins út sem kostar hátt upp í 400þ. Ég sé samt engan mun á þessu.

Spurningin mín er hvar er best að kaupa? Hvað á ég að passa upp á? etc etc

[nidur]

Ég myndi skoða Woolroom og Naturalmat

[chaplin]

Var í sömu stöðu fyrir 2 árum.

- Besta dýna sem ég hef átt var frá Svefn og Heilsu, hét held ég Thor, ekki lengur seld. Óðinn átti víst að replace-a hana, fannst þær ekkert sambærilegar.

- Royal Alexa er ein besta dýna sem ég hef prufað en var ekki til þegar ég var í sömu stöðu.

- Endaði með að kaupa dýnu frá Ikea, mjög ánægður með hana. Kostaði um 60-70.000 kr.

- Alls ekki kaupa ekki of mjúka dýnu, persónulega vill ég stífa/millistífa.

- Gæti verið sniðugt að kaupa tvískipta dýnu, konur vilja gjarnan aðeins mýkri dýnur. Sel það ekki dýrara en ég keypti það, en þetta sögðu allar verslanir.

- Það var mikið Simba blæti á Íslandi og allir áhrifavaldar landsins að promote-a þær, þær eru víst góðar til að byrja en með stuttan líftíma (eiga það til að mygla ef það kemst vottur af raka í þær?). Þekki nokkra sem keyptu þær, öll skiptu þeim út á innan við 3 árum.

- Gott að kynna sér skila- og skiptireglur vel. Þú getur prufað Ikea dýnur í 90 daga og skila/skipt, Svefn og Heilsa, Dorma, Rekkjan ofl. eru bara með 30 dagar.

- Gott að kynna sér ábyrgðamál, Ikea eru með 10 ára ábyrgð (var 25 ár), en Svefn og Heilsa eru t.d. bara með 2-5 ára ábyrgð (5 ára kvörtunarfrestur).

Þetta er mjög persónubundið, þetta er eingöngu mín reynsla.

[hagur]

https://www.dux.is/

/thread

[appel]

Eyðir 1/3 af ævinni í rúmi og ert að kveina yfir 150k???

[Snaevar]

Ég skil hvert þú ert að fara, en ég er meira að spá hvort það sé mikill munur á þessari dýrari eða ekki. Og hvaða verslanir selja rúm sem endast.
Alveg sammála að maður eigi að fjárfesta í heilsu og sérstaklega svefn.

Ég hef sjálfur keypt rúm á rúmlega 200þ sem var svo bara algjört drasl, en hef hinsvegar heyrt af fólki sem hefur keypt Ikea rúm á 100þ og eru mjög sátt með það.

[Semboy]

Ég fékk notað rúm og búinn að vera á honum í mörg ár.
Kannski er hann highend ég veit ekkert og
ég er lika það sérstakur ég nota enga kodda.


Og ég verð að vera á þessari stillingu til að hefja svefn annars fer allt úrskeiðis.

[audiophile]

Ég hef átt tvö rúm síðustu 15 ár og bæði verið úr Svefn og Heilsu. Fannst ég fá góða vöru þar fyrir fínt verð.

[Mossi__]

Velja knúsulegasta rúmið! Kostnaður er aukaatriði

[brain]

https://www.dux.is/

/thread

Get líka mælt með Dux. 29 ár komin.

[d0ge]

Keypti þessa í Jysk fyrir hálfu ári, ég og konan tölum enn reglulega um að þetta séu bestu kaup sem við höfum gert.

https://jysk.is/stok-vara/LUXURY-180x20 ... f8fc6ca1bd

[falcon1]

Hvernig eru þessar dýnur frá Svefn og heilsu að reynast sem eru undir 100 kallinn? Eins, hefur einhver prófað þessar Bodyprint dýnur hjá þeim? Ég þarf eiginlega að fara að skipta um dýnu. Er með stillanlegt rúm frá þeim sem er með IQ Care dýnu sem hefur enst mér í meira en 10 ár. Er að pæla í að skipta bara út dýnunni.

[rapport]

Við hjónin fórum niður í 160 rúmm, stífa dýnu úr Dorma, fyrir 6-7 árum. Þótti hún svo of stíf og fengum 10cm IKEA versionið af "memory foam" ofaná og gætum varla verið sáttari.

Skil ekki hvað við vorum að pæla að fylla alltaf svefnherbergið af rúmmi, nú er mun meira pláss í herberginu og meiri gleði í rúmminu

[GuðjónR]

Þetta er rúmið mitt:
https://jysk.is/stok-vara/?ProductName= ... gratt-XF-3

Besta rúm sem ég hef átt.

[kusi]

Það er mjög einstaklingsbundið hverskonar dýna þykir best. Líklega er best fyrir þig að fara í nokkrar búðir og prófa að leggjast í öll rúmin, eins og Gullbrá. Prófaðu að liggja bæði á hliðinni og á bakinu og sjáðu hvort þér finnist hryggjarsúlan liggja bein eða sveigð og hvort þér finnist betra. Athugaði líka hvort þér finnist að þrýstingurinn á þá fleti þar sem þyngin þín hvílir sé ásættanlegur. Sumir kunna betur við stífar dýnur, aðrir við mjúkar. Þyngdin þín hefur líklega eitthvað með það að gera hvað hentar best. Fyrir börn er jafnan mælt með mýkri dýnum en fyrir fullorðna. Prófaðu líka að setjast á rúmbríkina og athugaðu hvort hún ber þig uppi eða hvort þú "rennir út úr rúminu". Ef dýnan er of mjúk er möguleiki að kantarnir á henni haldi þér ekki uppi.

Rúm með gormum eiga það til að verða "holótt" með tímanum, þ.e. það koma dældir eða lægðir í rúmið þar sem þú liggur. Rúm sem eru ekki með gormum (t.d. úr "minnissvampi") skortir aftur á móti viðbragð þegar kynlíf er stundað, þ.e. það "skoppar" ekkert, sem þýðir meiri áreynslu.

Hvað breiddina varðar er 160cm (queen size) passlegt fyrir flest pör. Ef þú átt börn sem koma reglulega upp í viltu líklega 180cm (king size).

Sjálfur hef ég sofið á Tempur dýnum frá Betra Bak í um 20 ár. Ég sé ekki fyrir mér að það muni breytast. Ég átti stuttlega stillanlegt Tempur rúm (hægt að hækka höfðagafl og undir fætur) og sakna þess ekkert að geta gert það. Endingin á Tempur rúmunum er mjög góð.

Versta við að venjast Tempur rúmum er hversu mikið maður fer að finna fyrir óþægindunum af að sofa í öðrum rúmum. Ég bylti mér meira og verð tilfinnanlega var við hvernig blóðflæðið heftist við axlir og mjaðmir. Þegar þú byltir þér er líkaminn í raun að færa þig til svo blóðið fái aftur að streyma þar sem þú lást og forðast þannig legusár (sem er ástæða þess að sjúkrarúm eru gjarna með minnissvampi). Fleiri byltur þýðir verri nætursvefn.

Koddarnir frá Tempur eru líka frábærir. Þú þarft ekki að "berja þá til" eða snúa þeim eins og hefðbundnum koddum þar sem þeir klessast ekki saman.

Varðandi kodda; veldu þér kodda sem er af réttri hæð miðað við þínar herðar. Ég svaf of lengi á kodda sem var ekki nógu hár fyrir mig því ég hafði ekki hugmynd um að það þyrfti að hugsa út í hæð á kodda.

[appel]

Ég fór í gegnum nokkrar dýnur á stuttum tíma, svona 5 árum, þar til ég fann dýnu sem ég gat loksins sofið almennilega á. Allar voru jú auglýstar sem "heilsudýnur" eða þvíumlíkt, prófaði ýmislegt. Þetta er persónubundið hvað virkar.

þessar "amerísku" dýnur, þykkar, gormar, og mörgum lögum, mér finnst það vera virka best.

Svo er auðvitað atriði að fara sofandi þreyttur, vakna snemma, reglusemi, ekki nota skjái á kvöldin (ómögulegt í nútíma).

[Klaufi]

RB Rúm í Hafnarfirði, farðu og mátaðu og fáðu ráðgjöf.

Átt ekki eftir að sjá eftir krónu.