Draga CAT5 í stað Coax, þröng rör eða eitthvað ...

[hagur]

Sælir,

Er að vesenast með að draga CAT5 kapal úr þvottahúsinu hjá mér í kjallara upp í stofu (sem er á næstu hæð fyrir ofan). Er með ídráttarfjöður úr plasti sem er með járnauga á endanum. Þetta er engin ógurleg vegalengd (c.a 10 metrar), en ég er bara ekki að ná fjandans fjöðrinni í gegn. Rörið er rétt, það var coax snúra þarna í gegn sem ég í fljótfærni dró úr (hálfvitaskapur þar sem ég hefði eflaust getað fiskað CAT5 kapalinn í gegn með coax kaplinum).

Ég er búinn að prófa að þræða í báðar áttir en draslið stoppar alltaf á leiðinni, grunar samt að það vanti bara örfáa metra uppá þegar þetta stoppar.

Er ég svona mikill klaufi? Er e.t.v. til betri fjöður í þetta verk? Myndi ég græða eitthvað á að nota einhverskonar feiti/lube eða hvað sem þetta kallast?

Er að verða brrrrrrjáaalaður :-)

Annað, þarf að endurnýja hjá mér dyrasímakerfið. Allar lagnir eru til staðar (einhverskonar CAT5 kapall að mér sýnist). Mæliði með einhverjum góðum í svoleiðis verk?

[nidur]

Ertu ekki örugglega að þræða með gorma endanum á fjöðurinni þegar þú ert að fara í gegn? Stundum er hægt að ryksuga spotta í gegn til að fá stýringu á fjöðurina.

[hagur]

Ertu ekki örugglega að þræða með gorma endanum á fjöðurinni þegar þú ert að fara í gegn? Stundum er hægt að ryksuga spotta í gegn til að fá stýringu á fjöðurina.

Hmmmm góður punktur, nei .... eins og má heyra/sjá, þá er ég greinilega ekki alveg með þetta á hreinu

Ég prófa þetta aftur og nú með hinn endan á fjöðrinni á undan Hélt einhvernveginn að endinn með auganu ætti að fara á undan.

[Pandemic]

Helvítis basl að draga svona í nema að vera með sleipiefni.

[hagur]

Helvítis basl að draga svona í nema að vera með sleipiefni.

Já, mig grunaði það svosem. Ég þarf að redda mér svona efni.

[Dúlli]

Ef þú nennir ekki að bíða reddaðu þér sæmilegum þráð, til dæmis þvotta snúru eða álíka svo skellir þú ryksugu hinum meginn og sogar í gegn og tosar fjöðrina í gegn.

Við gerum þetta af og til í vinnuni þegar maður er að vinna við gamlar lagnir.

[andribolla]

Ef þú átt handsápu eða uppþvottalaug undir vaskinum hjá þér, þá áttu sleipiefni

[hagur]

Ef þú nennir ekki að bíða reddaðu þér sæmilegum þráð, til dæmis þvotta snúru eða álíka svo skellir þú ryksugu hinum meginn og sogar í gegn og tosar fjöðrina í gegn.

Við gerum þetta af og til í vinnuni þegar maður er að vinna við gamlar lagnir.

Ef þú átt handsápu eða uppþvottalaug undir vaskinum hjá þér, þá áttu sleipiefni

Takk drengir, ég hlýt að geta græjað þetta með þessum trixum

[Gunnar]

lúbið/nunnufeiti/sleipiefni er samt oftast notað þegar fjöðrin er komin i gegn og margir/þykkir vírar eiga að fara i gegn. Ég nota allaveganna ekki lúbið með fjöðrinni, þá missi ég allt grip á henni og þá verður þetta ómögulegt.
Helst eins og allir bunir að segja, ryksuga spotta með smá bút af poka á endanum i gegnu eða snúa fjöðrinni á meðan þú ýtir, það hefur oft virkað líka.

[Squinchy]

Náðu þér í snæri sem er sæmilega sterkt, settur smá bút af glærum plastpoka á endann, settu ryksugu á einn endan á rörinu og plastpoka snærið inn í hinn endann

[hagur]

Ryksugu-trickið svona líka svínvirkaði! Fjöðrin komin í gegn.

Ætti ekki að vera hægt að draga tvo CAT5e strengi í gegnum svona rör ef maður smyr þetta vel? Giska á að þetta sé 16mm rör.

Takk fyrir hjálpina strákar

[arons4]

Ef þú ert graður nærðu fjórum ef rörið er ekki með langt eða með kröppum beigjum.

[Squinchy]

Myndi byrja á því að reyna án einhvers sulls, 2x cat5 eiga að fara easy í 16mm, fá aðstöð þar sem 1 togar og hinn ýtir eftir köplunum og passar að þeir séu ekki að snúast utan um hvort annan, svona smurning getur virkað eins og lím þegar þetta þornar

[Dúlli]

Standar fyrir COAX hefur alltaf verið minnir mig 20mm ættir að geta auðveldlega komið 4 fyrir, ef þetta er aftur á móti 16mm sem yrði furðulegt þá áttu samt pláss fyrir 3 ef þetta er góð og bein leið fáar sem engar beygjur.

Skemmtu þér

[BugsyB]

Átt að koma 3 fyrir, og ekki nota sápu eða uppþvottalög ef þú ætlar að breyta í framtíðinni, notaðu nunnufeiti eða e-h feiti, sápan harnar nem tímanum og þá verður miklu erfiðara að ná þessu út en svínvirkar að draga í en uppá framtíðina og eftir nokkur ár þá verður ljós í allt. Þá þarftu að draga þetta út fyrir ljós.