Síða 1 af 1

Rafmagn í eldhúsi - skrítin tengi

Sent: Sun 08. Apr 2018 08:33
af hundur
Sælinú.

Við erum að gera upp eldhúsið okkar og erum að velta fyrir okkur rafmagnsmálum. Á tveimur stöðum er tengi sem ég hef ekki rekist á áður, með þremur pinnum. Hvurslags tengi er þetta, er þetta eitthvað sem er úrelt og ætti að skipta um?
20180408_080635-COLLAGE.jpg
20180408_080635-COLLAGE.jpg (21.93 KiB) Skoðað 3077 sinnum



Hin pælingin var svo hvort að öll raftækin þurfi að vera á eigin "línu" (circuit) og hvað það þýðir. Gæti ég t.d. verið með ísskáp og veggofn tengt í þetta tengi hér?
20180408_062712.jpg
20180408_062712.jpg (69.63 KiB) Skoðað 3077 sinnum

Re: Rafmagn í eldhúsi - skrítin tengi

Sent: Sun 08. Apr 2018 09:19
af ColdIce
Lesist með tilliti til þess að það er langt síðan ég lærði rafvirkjun

Þarft sér grein fyrir ofninn. 16A öryggi með 2.5q vírum. Þetta er líklegast hugsað sem tengi fyrir ísskáp/örbylgjuofn combo.
Held að þetta sé Ítalskt tengi en hvort sem það er það eða ekki þá myndi ég bara skipta því út :happy

Re: Rafmagn í eldhúsi - skrítin tengi

Sent: Sun 08. Apr 2018 11:02
af rapport
Þegar ég tók eldhúsið hjá mér í gegn hér um árið þá breyttum við skipulaginu það mikið að það þurfti að brjóta úr veggjum og leggja fyrir nýjum dósum, í leiðinni þá var "by default" allt rafmagn í eldhúsinu endurnýjað.

Mæli með því að reyna finna einhvern í þetta, það er fátt leiðinlegra en að vera búinn að fjárfesta í nýrri innréttingu og svo virkar allt annað ekki eins og það á að vera.

Re: Rafmagn í eldhúsi - skrítin tengi

Sent: Sun 08. Apr 2018 11:14
af Dúlli
Fáðu þér rafvirkja í þetta.

Og þessi 3x pinnan tengill er gamll ofn/helluborðs tengill sem er ekki notaður í dag, öll raftæki yfir 16A í málstraum eru fasttengd samkvæmt ÍST 150:2009

Og passaðu upp á það að hann sé mentaður, getir flétt upp hér http://rafis.is/sveinalisti , Ef hann er ekki á listanum þá er hann að ljúga.

Re: Rafmagn í eldhúsi - skrítin tengi

Sent: Sun 08. Apr 2018 16:03
af jonfr1900
Þetta er líklega Ítalskt plögg (gerð L) sem er þarna á ferðinni og er greinilega mjög gamalt. Eldavél þarf að vera á sér öryggi og línu (16A lágmark). Þú þarft að fá rafvirkja í þetta og taka út allar eldri lagningar sem þarna eru til staðar. Þessir vírar skemmast með tímanum ef það kemst raki í þá.

Gerð L tengi.

Re: Rafmagn í eldhúsi - skrítin tengi

Sent: Mán 09. Apr 2018 08:58
af Viktor
Fáðu rafvirkja sem er á þessum lista:
http://rafis.is/um-rsi/sveinalisti

Ég var að skipta úr eldavél yfir í ofn og helluborð. Rafvirki tengdi nýtt öryggi 25A og setti upp nýja litla rafmagnstöflu inni í einum eldhússkápnum.

Helluborðið er þá beintengt í 25A öryggið og ofn og uppþvottavél á sér 16A og að mig minnir 12A öryggjum í nýju litlu töflunni.

Re: Rafmagn í eldhúsi - skrítin tengi

Sent: Þri 10. Apr 2018 13:38
af hundur
Kom auðvitað ekki að tómum kofanum hér frekar en fyrri daginn, takk fyrir svörin. Greinilega margt sem þarf að hafa í huga varðandi rafmagnið í eldhúsinu.