spjallid.is

Tölvan hjá mér datt út upp úr þurru áðan. Svartur skjár. Að vísu hafði ég fundið hitalykt nokkru áður en hélt að það tengdist öðru tæki. Þegar ég ýti núna á power takkann gerist ekkert. Reyndar blikka stundum ljós í augnablik og vifturnar hreyfast örlítið svona eins og ræsing byrji (ég hef reynt nokkrum sinnum) en oftast gerist nákvæmlega ekki neitt. Tvö lítil ljós lýsa stöðugt á skjákortinu, svona eins og til að segja að tölvan sé tengd við rafmagn. Ekkert hljóð úr móðurborðinu eða bilanablikk eða álíka. Nú er spurningin mín hvort þetta bendi til þess að aflgjafinn sé ónýtur eða er það frekar móðurborðið? Öll hjálp vel þegin áður en ég kaupi nýja tölvu að óþörfu. Ég er ekki sérfræðingur í tölvusamsetningum en get bjargað mér með réttri leiðsögn og þessi tölva dugar mjög vel í það sem ég nota hana í. Þetta er i7 8700K svo hún er ekki eldgömul

sennilega aflgjafinn eða móðurborðið myndi ég halda

Þú getur svo sem framkvæmt sjónskoðun til þess að sjá hvort þú sérð að eitthvað sé augljóslega að.

Ef þetta er móðurborðið og þú fannst brunalykt þá gætirðu rekist á ónýta þétta í móðurborðinu.

Annars, þá myndi ég byrja á því að taka allt úr vélinni sem þarf ekki að vera í henni. Sértu með skjátengi á móðurborðinu, taktu þá skjákortið úr sambandi.

Þú getur örugglega fengið aflgjafa lánaðan eða fengið gamlan á smotterí. Ef þú ert "heppinn" þá er það lausnin.

Tu: Þetta var aflgjafinn sem gaf sig.