Clawhammer er heiti kjarnans í nýju Athlon64 örgjörvunum, Barton er hins vegar síðasti kjarnin af AthlonXP fjölskyldunni.
Þegar litið er á smárásamyndir af kjörnunum tveimur er fátt sem ber á milli annað en 1MB skyndiminni clawhammersins á móti 512KB í Barton.
Clawhammerinn er byggður ofan á gömlu Athlon hönnuninni en með umtalsverðum endurbætum, helst er að nefna:
X86-64 viðbætur: Gerir honum kleyft að keyra jafnt 64 eða 32 bita kóða í 64 bita stýrikerfi sem 32bita kóða í 32 bita stýrikerfi. Afkasta aukning við að keyra 64bita kóða umfram 32 bita geta verið allt frá 0 upp í 50% og jafnvel meir en algengast á bilinu 5-30%.
Innbyggð minnisstýring: Hjá flestum örgjörvum fer minnisstýringin fram á móðurborðinu og vinnur á FSB tíðninni en í clawhammer gengur hún á sama hraða og örgjörvin og er því miklu minni töf af því að ná í gögn í minni.
Hypertransport: Tenging milli örgjörva og annara eininga á móðurborðinu, afkastar 3.2GB/s og er hannaður sem framtíðar tenging fyrir háhraða PCI-X spjöld.
Stærra L2 skyndiminni: Eins og áður segir er clawhammer með 1MB í L2 minni.
SSE2 stuðningur: Hjálpar til í forritum sem eru sérhönnuð fyrir Pentium 4 viðbótarskipanirnar. Bartoninn var einungis með SSE stuðning.
Betri L1/L2 afköst: Skyndiminni á clawhammer er með 25-30% afkastagetu en á barton af sömu klukkutíðni.
Cool'n'Quiet: Fartölvur hafa lengi haft þennan fídus en nú er hann kominn í borðtölvur. Klukkar örgjörvan og hækkar og lækkar spennuna á honum eftir þörfum og minnkar þannig orkunotkunn.
Fleirri GPR (General Purpose Registers): Eða 16 í stað 8. Þetta er mikilvægur eiginleiki þar sem compilerar þurfa oft að bæta við mörgum skipunum bara til að losa um eitt register, lengri kóði = hægari vinnsla (ath! ég er að meina full affléttaðan kóða). Það þarf 64-bita stýrikerfi til að nota þessi 8 auka GPR.
Lengri pípun: Athlon64 hönnunin hefur 12 stiga integer (heiltölu) pípu og 17 stiga FP (fleytitölu) pípu í stað 10int/15FP á AthlonXP. Þessi lenging er ekki til að auka klukkutíðni heldur til að auka skilvirkni örgjörvans með því að pakka saman mörgum míkróskipun á hvern klukkupúls og nota þannig fleiri hluta örgjörvans í einu.
Vonandi hefur þetta verið ykkur til ánægju og fróðleiks, efni þetta er að mestu tekið ú eftirfarandi grein: http://www.cpuid.com/K8/index.php þar er farið mjög ýtarlega í efnið en ég hef reynt að halda mig við einfaldari hlutina.
Endilega látið mig vita ef þið viljið fleiri svona umfjallanir.
