Vandræði með SSD disk

[Hauxon]

Jæja. Mig langaði að athuga hvort fleiri hafa lent í svona vandræðum.

Fyrir 2-3 mánuðum ákvað ég að raða saman í borðvél, ekkert top-of the line dót en sæmilega vél fyrir myndvinnslu.

Í hana keypti ég 60Gb SSD disk fyrir systemið og er svo með 2 1.5Tb diska í raid fyrir gögn. SSD diskurinn er Filemate SolidGo 60Gb sem fæst í computer.is/Tæknibæ. Ég sett W7 64b upp og til að byrja með virtist vélin spræk og fín. En með tímanum fór vélin að hökta all verulega, frjósa í nokkrar sekúndur og allt að mínútu. Ég á tug þúsundir ljósmynda sem ég managera með Lightroom og vinna í LR var eins og að vera fastur í drullupytti, import á 100 myndum tók kannski 1-2 tíma.

Ég fór kerfisbundið í gegnum alla drævera, tók hardware og forrit út, eitt í einu án þess að ná tökum á vandanum. Á endanum gafst ég upp og skrifaði vandræðin á W7 og setti upp Ubuntu á vélina. ...virkaði fínt fyrst en svo gerðist það nákvæmlega sama. Forritin fóru að læsast í 10-30 sekúndur hvað eftir annað og tölvan var orðin jafn ónothæf og þegar W7 var á henni.

Svo ákvað ég að taka SSD diskinn úr og tók gamlan 160Gb HD úr vinnunni heim til að prófa. Setti upp W7 64b aftur ...og voila! Véin er í fínu lagi, vinnsla í LR er í öðrum heimi m.v. þegar SSD diskurinn var í.

Hvað er málið eiginlega? Er þessi diskur eitthvað drasl eða er hann bara bilaður? Getur verið að það sé eitthvað incompatabilty vesen á milli disksins og móðurborðsins. Ég uppfærði ekki BIOSið því það var bara til utility fyrir 32 windows (virkar ekki á 64b) og diskettu utility (ég er ekki með floppy).

Ég er verulega pirraður yfir tímanum sem hefur farið í þetta auk þess sem ég stend eiginlega bara uppi með rándýran flakkara þar sem diskurinn er ónothæfur sem system diskur.

Er einhver hér sem þekki þetta vandamál? Á ég að fara með diskinn í Tæknibæ og kvarta?

Kv. Hrannar

[rapport]

Þetta er ekki eðlilegt...

Smá Gúgl leiddi í ljós að diskar fráþessu fyrirtæki hafa átt það til að haga ser svona...

[BjarniTS]

Eru ekki til fitness test fyrir svona diska?

Myndi prufa það til að byrja með.

[chaplin]

Breyttiru nokkuð úr IDE í AHCI eftir að hafa sett upp stýrikerfið. Þótt það eigi auðvita ekki að hafa svona dramatísk áhrif. Myndi skella honum í test eins og BjarniTS nefndi, tekur örfáar mínútur fyrir þig og útilokar stóran part. Annars ertu með pagefile virkt, í þinni allra þyngstu vinnslu - ertu að maxxa minnið?

[Hauxon]

Ég hef ekki breytt neinum stillingum fyrir diskstýringarnar í stýrikerfinu eftir á, hvorki í Windows eða Linux.

Eina testið sem ég gerði á disknum var Windows performance monitor og diskurinn skoraði 8.0 þar.
...líka eftir að hann byrjaði að hökta.

Hvaða forrit er best að nota til að tékka á disknum?