spjallid.is

Ég er nýlega búinn að uppfæra í Samsung Q60T 4K UHD sjónvarp og ég fékk mér einnig Panasonic DP-UB450(EB) 4K UHD blu-ray spilara. Ég hef verið að lenda í því að þegar ég spila 4K kvikmyndir að bæði kemur fram truflun í mynd og einnig í hljóði. Þetta er ekki sjónvarpið þar sem allt sem ég streymi í 4K gerir það eðlilega. Einnig sem að DVD myndir og 1080i blu-ray kvikmyndir og þættir eru án vandamála með hljóðið og þá eru engin myndvandamál.

Ég hef verið að leita að lausn á þessu undarlega vandamáli en ég er ekki að finna neitt sem útskýrir þetta almennilega. Ég er einnig með HDMI kapal sem ræður við 8K/60Hz og 4K/120Hz en það er smá munur á HDMI köplum eftir því sem ég kemst næst (svipað og með ethernet kapla).

Ég er búinn að fara í gegnum allar stillinganar og finn lítið þar. Þetta gæti verið stilling í sjónvarpinu varðandi 4K og HDMI en ég er ekki viss nákvæmlega hvar vandamálið liggur þar sem ég finn það ekki.

Takk fyrir aðstoðina.

Er blu-ray spilarinn nokkuð að ofhitna? Búinn að uppfæra firmware í honum?

upg8 skrifaði:Er blu-ray spilarinn nokkuð að ofhitna? Búinn að uppfæra firmware í honum?

Það er nýjasti hugbúnaðurinn í honum og var það þegar ég keypti hann. Það er engin sérstakur hiti þegar ég snerti hann eftir spilun á kvikmynd sem er 2:30 mínútur (Avengers: Infinity War).

Ég er ekki að sjá neinar stillingar í spilaranum sem gætu valdið þessu. Spurning hvort að sjónvarpið eigi í vandræðum með að skilja spilarann rétt og því komi þetta vandamál upp.

Ég fann á vefsíðu Samsung svipaðan þráð um þetta vandamál. Samkvæmt þeim þræði þá er vandamálið það að sjónvarpið ræður ekki nógu vel við afkóða hljóðið frá Blu-Ray spilaranum. Þannig að stillti blu-ray spilarann hjá mér yfir í PCM frá bitstream. Ég vona að þessi breyting leysi þetta vandamál hjá mér. Ég veit ekki afhverju þetta gerist bara með 4K kvikmyndir en ekki 1080 kvikmyndir og dvd (576p) kvikmyndir. Þetta gæti eitthvað tengst Dolby Atmos en ég fann ekki neitt almennilegt svar varðandi það atriði.

Samsung vefsíðan segir að betra sé að nota PCM ef maður er bara með hátalarana í sjónvarpinu eins og ég er. Sjá hérna.

Ég er að spila Avengers: Endgame í 4K með PCM stillingum og það eru engin vandamál með hljóðið eða myndina núna.

Vandamálið er líklega það að örgjörvinn í sjónvarpinu er ekki með afkóðunar vélbúnað fyrir þjappað hljóð og þarf að afkóða hljóðið í hugbúnaði. Örgjörvinn er þar af leiðandi að fá fleiri skipanir en hann ræður við og allt fer að hiksta.

Grunnhljóðrás á ultraHD 4k diskum er alltaf lossless, en ekki þjöppuð.

Kv. Einar

Emarki skrifaði:Grunnhljóðrás á ultraHD 4k diskum er alltaf lossless, en ekki þjöppuð.

Kv. Einar

Það er ekkert sama sem merki á milli þess að vera ekki þjappað og að vera lossless. Flest codec sem eru notuð á Blu-ray nota einhverskonar þjöppun.

gnarr skrifaði:Vandamálið er líklega það að örgjörvinn í sjónvarpinu er ekki með afkóðunar vélbúnað fyrir þjappað hljóð og þarf að afkóða hljóðið í hugbúnaði. Örgjörvinn er þar af leiðandi að fá fleiri skipanir en hann ræður við og allt fer að hiksta.

Það er örugglega málið. Ég var ekki að kaupa dýrasta Samsung sjónvarpið á markaðinum þó að það sé með 4K og DVB-S2 móttakara að auki. Þegar ég nota PCM þá sér Panasonic 4K blu-ray spilarinn um þessa vinnslu fyrir sjónvarpið.