spjallid.is

Ég er með lítið rafkynt hús með alltof háan rafmagnsreikning og hafði áhuga á að greina rafmagnsnotkunina og fikra mig síðan áfram í stýringu. Ég vil geta séð orkunotkunina per klst. Ég var að spá í Sonoff rofana, en mér sýnist að það sé bara hægt að fá orkunotkunina per dag. Shelly rofarnir sýna hins vegar per klst (eða hvaða tímabil sem er), eru með innbyggðan vefþjón og REST API.

Stýringin sem ég hafði hugsað mér að byrja á er að láta rofana kveikja og slökkva á rafmagnsofnunum til að viðhalda lægra hitastigi þegar enginn er í húsinu og hærra hitastig þegar einhver er í húsinu. Seinna meir langar mig að hella mér alveg í snjallvæðinguna og bæta við ljósastýringu, hreyfi- og hurðaskynjurum o.s.frv. og nota þá Raspberry PI.

Það sem virðist koma til greina fyrir ofnana:
* Shelly 1PM (https://shop.shelly.cloud/shelly-1pm-wi ... ation-1#51)
* Shelly Plug S (https://shop.shelly.cloud/shelly-plug-w ... omation#71)
* Sonoff POWR2 (https://sonoff.tech/product/wifi-diy-sm ... ches/powr2)

Það sem ég legg áherslu á er:
1. Öryggi
2. Lágur kostnaður (Fibaro og þannig er til dæmis ekki valkostur)
3. Per klst orkumæling
4. Sveigjanleiki í gagnaöflun og forritun

Ég er með þrjár spurningar:
* Er það raunhæf lausn að nota þessa rofa til að stýra rafmagnsofnum á þennan hátt og mæla orkunotkunina? Virkar það og er það öruggt?
* Er einhver ástæða fyrir mig til að velja Sonoff fram yfir Shelly? Shelly sýnist mér að komi út örlítið dýrara, en auka fídusarnir sýnast mér vera vel þess virði.
* Er Shelly almennt öruggari en Sonoff?

Er með svipaðar pælingar fyrir sumarbústaðinn, fæ að fylgjast með þessum þræði, langaði að benda á FB grúppu Snjallheimili þar sem eru virkar umræður um áþekk málefni.

Eru ofnarnir ekki á sér mæli? Hús í kringum mig sem ekki eiga kost á hitaveitu fá rafmagnið til kyndingar á lægra verði en þá eru allir ofnarnir beintengdir.

Ég er að nota Aeotec HEM 5
Er með þetta tengt á lögnina inní í töfluna, get þannig get ég fylgst með öllum 3 greinunum í húsinu.
Svínvirkar og er 100% nákvæmt.

Þú getur sett tasmota eða esphome upp á Sonoff gæjanum og örugglega fengið betri upplýsingar með því (og auðveldara að tengja inná t.d. Home Assistant).

Ég er með Shelly EM, mæli alla orkunotkun hússins þannig (er með clamp utanum fasann sem kemur inn í hús), og annan clamp bara utanum um greinina sem ég nota til að hlaða bílinn (Plug-in hybrid bíll).

Svo er ég með Shelly PM á einni grein sem ég er með hjólhýsi tengt við, en hafði einmitt hugsað mér að vera með olíufylltan rafmagnsofn þar úti í vetur til að halda því frostfríu. Fínt að geta monitorað orkunotkunina sem og stýrt henni m.v. útihitastig.

Mín reynsla af þessum Shelly græjum er góð. Virðast vera mjög nákvæmar mælingar úr þessu og bara rock solid.

Ég hef aðeins notað Sonoff, en ég bara nenni ekki þeim græjum, aðallega útaf því að það þarf helst að skipta um firmware á þeim til að geta notað þau, ef maður vill ekki nota þetta propriatery EW Link app eða hvað sem það nú heitir. Í staðinn fyrir að nota Sonoff með t.d Tasmota firmware, þá valdi ég að nota Shelly, sem er ódýr og mjög flexible, með REST API innbyggt og optional cloud integration.

veit ekki með sonoff-inn en ég veit að shelly er með 16 Ampera snertu í sér(3.5kW).
Hversu lengi höndlar snertan álagið, það veit ég ekki en svo lengi sem þú ert ekki að "lesta" snertuna ættiru að vera alveg safe.