spjallid.is

Daginn.

Ég er með utanáliggjandi harðan disk, 2tb Lacie diskur.

Það er mjög erfitt að lesa efni af honum, video spilast mjög illa, höktir og jafnvel spilast ekki. Að copy-a skrár af disknum og á annan disk eða usb kubb er ekki hægt eða tekur heila eilífð, jafnvel með litlar skrár. Að opna möppur með mörgum skrám tekur langan tíma.

Allt ofantalið hefur gengið eins og í sögu hingað til. Diskurinn er mjög heitur og ég hef stórar áhyggjur af því að hann sé hreinlega að gefa upp öndina.


Hvað er til ráða? Er einhver leið að taka afrit af gögnunum yfir á annan disk? Ég er með kláran disk í það.

Ef að þetta eru mikilvæg gögn myndi ég slökkva strax á disknum og taka hann til fagaðila í von um að ná öllum gögnum af honum. Miðað við hvernig þú lýsir þessu þá er diskurinn að klikka.
Ástæðan fyrir því að ég mæli með þessu er sú að ef að diskurinn er bilaður og þú ert að reyna afrita gögnin sjálfur getur það gert illt verra ef afritunin hjá þér mistekst og þú þarft að fara í gagnabjörgun

Það fyrsta sem þú getur prófað að gera er að prófa hann með t.d. SeaTools til að vita hvort diskurinn sé að klikka.

Til að taka afrit af mjög biluðum diskum þá notaði ég oft ddrescue (bara til fyrir Linux eftir því sem ég best veit). En annars er til aragrúi af bæði fríum og ekki-fríum forritum fyrir Windows til að bjarga gögnum af diskum sem eru að gefa upp öndina.

Edit: en já, ef þetta eru krúsjal gögn þá væri best að fara með hann til fagaðila.

Ég á heima útá landi og engin fagaðili í boði. Þetta er auðvitað diskurinn með myndunum og myndböndunum mínum, svosem ekki ómissandi gögn en það væri ömurlegt að missa nokkur ár af myndatökum.

Ég var að prufa mig áfram núna með að copy&paste af disknum yfir á annan og það virkar, þannig að ég hugsa að ég haldi mig við það á meðan það klikkar ekki.

Ég persónulega hefði rifið diskin úr hýsingunni og tengt hann beint við borðtölvuna (ef það á við)
og komið honum að góðu loftflæði svo að hann hitni ekki of mikið (sem mun drepa hann alveg)
og afritað þannig gögnin af honum og jafnvel á meiri hraða en ella.

Svo er auðvitað í dæminu að hýsinginn þín sé að klikka, það er eru nokkur dæmi um það.

Þetta er frekar skrítið, sumar skrár færir diskurinn á milli eins og ekkert sé, en svo klikkar hann á öðrum. Er þetta merki um bad sectors eða eitthvað annað?

Manager1 skrifaði:Er þetta merki um bad sectors eða eitthvað annað?

Það er mögulega alveg rétt hjá þér, eða hugsanlega biluð prentplatan í flakkaranum.

Búinn að taka diskinn úr hýsingunni og tengja beint í tölvuna, enn sama vandamálið, færir sumar skrár yfir ekkert mál en aðrar neitar hann að færa á milli, þannig að þetta er þá diskurinn sem er að gefast upp?

Manager1 skrifaði:Búinn að taka diskinn úr hýsingunni og tengja beint í tölvuna, enn sama vandamálið, færir sumar skrár yfir ekkert mál en aðrar neitar hann að færa á milli, þannig að þetta er þá diskurinn sem er að gefast upp?

Prófaðu að keyra test á hann með SeaTools eða sambærilegu forriti. Það ætti nokkuð auðveldlega að geta sagt til um hvort þetta sé diskurinn að hrynja, skráarkerfið í rugli eða hvað.

Þó að Windows File Explorer nái ekki að afrita gögnin þá þarf það ekki að þýða að þú náir þeim ekki aftur. Gagnabjörgunarhugbúnaður getur í flestum tilfellum reddað þér. Það er nú nokkuð síðan ég var í tölvuviðgerðum en þá notaði ég mest ddrescue og R-studio til að ná gögnum af diskum sem voru að gefa upp öndina. R-studio kostar (ekki fyrir sjóræningja samt), en er þrælöflugt. Með ddrescue geturðu speglað diskinn beint yfir á annan disk.

Ef að aðrar leiðir hafa ekki dugað þér til þess að bjarga öllu því sem
að þú þarft þá mæli ég með PhotoRec, ég hef mikið notað PhotoRec og er
það frábært þegar að önnur forrit hafa klikkað eða windowsið hefur ekki fundið diskinn.
http://www.cgsecurity.org/
Þetta er bara DOS forrit og ef þú ert ekki vanur svona forritum þá þarftu að lesa þér vel til
áður en að þú notar það svo að þú skrifir ekki óvart yfir gögnin þín óvart eða eitthvað álíka.

Takk allir fyrir hjálpina, mér er að takast að afrita allt það mikilvægasta af disknum með copy&paste yfir á annan disk, aðeins örfáar af nýjustu ljósmyndunum sem vilja ekki færast á milli en það er ekkert stórtjón.

Annars prufaði ég SeaTools og þau próf sem ég keyrði gáfu strax til kynna að það væri eitthvað að disknum og m.a.s. kom upp villumelding frá Windows áðan að diskurinn minn væri að gefa sig. En eins og ég segi þá er mér að takast að afrita allt það mikilvægasta þannig að enginn skaði skeður.

Manager1 góð regla í framtíðinni að eiga svona gögn á 2 diskum.

Já mikið rétt. Ég var reyndar að komast að því núna rétt áðan að ég átti afrit af rúmlega 100gb af ljósmyndum sem ég hefði þ.a.l. ekki þurft að afrita aftur, en better safe than sorry ;-)

Ég er búinn að panta nýjan disk í hýsinguna og kem til með að afrita gögnin þangað aftur en halda samt gömlu afritunum, þá á ég gögnin á tveimur diskum.