Ég er núna búinn að eiga sama Toshiba lappann í 6 ár án þess að hann hafi eitthvað klikkað! Greinilega topp eintak þar á ferðinni
Ég er lengi vel búinn að vera að skoða nýjar laptop tölvur án þess að gera neitt í því en nú er tíminn kominn! Ég set stefnuna á að fjárfesta í nýrri tölvu núna um mánaðarmótin og gæti vel þegið smá ráðgjöf frá viskubrunnunum hérna inni
Ég er s.s. að leita að tölvu sem myndi duga í fína leikjaspilun. Ég er aðallega að horfa til Diablo 3, en hann kemur væntanlega út á næsta ári og það er leikur sem ég VERÐ hreinlega að vera með netta tölvu í. Ég er þ.a.l. að leita að tölvu með sterkum örgjörva, góðu minni og öflugu skjákorti, en alls ekki stærri en 15" skjá!
Ég mun að sjálfsögðu nota tölvuna aðallega í skólann og svo stökum sinnum í Football Manager
en ég vil fá tölvu sem mun ennþá vera öflug á næsta ári og eins og ég segi, geta spilað Diablo 3 þegar hann kemur út.Ég hef verið að skoða hinar ýmsu tegundir og lýst alveg svakalega vel á þessa: http://www.omnis.is/index.php?option=com_content&task=view&id=112&Itemid=115
En það sem ég hef verið aðallega að pæla í, það er munurinn á Intel og AMD. Mér skilst að AMD örgjörvarnir séu aðeins háværari og hitni meira og séu þ.a.l. ódýrari en ég var að velta fyrir mér hvort þið hefðuð einhverja afgerandi stöðu gagnvart þessum tveimur framleiðslu risum, eða hvort þið gætðu bent mér á einhver betri kaup. En tölvan sem er í linkinum hérna ofar er í c.a. þeim geira sem ég er að leita að...
