demaNtur skrifaði:þekki NVME ekki neitt
NVME og SATA eru í rauninni bara tveir mismunandi samskiptastaðlar.
SATA er þessi "hefðbundni" staðall sem hefur verið notaður lengi og SATA diskar ná yfirleitt mest 500-550MB/s hraða. Merkið frá þeim fer frá disknum til CPU í gegnum chipsettið á móðurborðinu og þar takmarkast hraðinn. Það hinsvegar gerir það að verkum að það er oftast hægt að tengja marga SATA diska við eitt móðurborð þar sem chipsettið virkar eins og samskiptahub. SATA diskar tengjast alltaf í gegnum SATA port, mSATA rauf á móðurborðinu eða M.2 rauf á móðurborðinu.
NVME er mun nýrri staðall og þeir diskar ná yfirleitt upp undir 2.500-3.500MB/s hraða (PCIe 3.0) eða 4.000-5.500MB/s (PCIe 4.0). NVME staðallinn var fyrst studdur í 6th gen Intel örgjörvum og 1st gen Ryzen svo ef maður vill nota NVME diska þá þarf maður að vera með slíkan örgjörva eða nýrri ásamt móðurborði með M.2 rauf. Ástæðan fyrir þessum margfalda hraða á NVME yfir SATA er sú að NVME diskar tengjast beint við PCIe lanes og geta þá átt bein samskipti við CPU án aðkomu kubbasettsins. Hinsvegar takmarkast fjöldi mögulegra NVME diska þar sem takmarkaður fjöldi PCIe lanes eru í boði á hefðbundnum vélbúnað. Þó svo að NVME séu á blaði langtum hraðari heldur en SATA diskar þá hefur þó verið sýnt fram á það að fyrir venjulega leikja- eða skrifstofutölvu þá sé raunverulegur hraðamunur óverulegur eins og staðan er í dag. NVME diskar tengjast í nánast öllum tilfellum í M.2 rauf á móðurborðinu. Það eru líka til diskar sem tengjast í gegnum U.2 tengi en þeir eru yfirleitt ekki notaðir á consumer vélbúnaði.
Í stuttu máli er M.2 diskur ekki það sama og M.2 diskur. Það þarf að hafa í huga þessa SATA/NVME staðla þar sem hraði, tengimöguleikar og verð spila alltaf einhvern þátt. NVME M.2 diskar eru yfirleitt alltaf einhverju dýrari en SATA M.2 diskar.
) og ég þarf í rauninni ekki mikið pláss.