spjallid.is

Ég lenti í því núna um daginn að krækja fót í símasnúru sem varð til þess að ég sleit hana frá plögginu en snúran lá úr holi inní herbergi mitt og þar í router. Þetta var í fjórða sinn (minnir mig) sem þessi snúra slitnar svona og hingað til hefur það ekki verið mikið mál að laga þetta en núna er það allt önnur saga Aðalvandamálið er að setja vírana úr símasnúrunni í plöggið en þar eru svona skeifur eða hvað sem það heitir sem maður setur vír í gegnum smá rör og svo utanum skrúfu sem er svo hert í gat sem er á einu af fjórum bitum plöggsins sem fara í veggtengið en skeifurnar eru núna svoldið illa farnar svo ég varð að reyna eitthvað nýtt Mér datt í hug að taka plaststykkið sem er á símasnúrum af einni svoleiðis og setja á slitna endan á snúrunni en veit ekki betur en að það sé ekki hægt að taka svoleiðis af (endilega leiðréttið mig ef það er hægt, stórefast þó um það...).

Þannig að ég fór í staðin að reyna að finna betri lausn á snúruvandanum og endaði á því að setja routerinn hjá símanum inní holi og svo ætlaði ég að hafa netsnúru í stað símasnúrunnar eftir gólfinu og að skrifborði þar sem hún átti að tengjast í switch sem ég gróf upp og svo ætlaði ég að tengja allar tölvur heimilisins í switchinn sem er þá miðsvæðis gagnvart flestum tölvunum en það er bara ekki alveg að virka Er núna bara með eina tölvu tengda við switchinn og svo switch í router og vandamálið er að á u.þ.b. 10 sekúnda fresti eða svo þá dettur tengingin milli switchins og routersins út en kemur sekúndu seinna aftur inn Hvað er málið? Á ekki að virka að tengja svona? Ég á gamalt adsl módem sem ég notaði einu sinni og þá var ég með það tengt við switchinn og svo allar tölvur tengdar þar líka og þá virkaði það alveg Einhverjar hugdettur?

http://www.tolvuvirkni.is/ip.php?inc=vi ... imax85MBit

http://www.att.is/index.php?cPath=39_72 ... 42934c3180

Ég er ekki að leita að annari lausn á þessu, amk. eins og er, samt lítur þetta rafmagnsdæmi nokkuð vel út og er svosem ekkert það dýrt. Vil samt helst spara peninginn og reyna að nota það sem ég á til að leysa þetta. Það sem ég þarf í raun að vita er afhverju switchinn minn virkar svona illa með routerinum. Þetta er Planet switch af gerðinni SW-801 og er hann 10/100Mbps. Sé enga ástæðu fyrir því afhverju hann ætti ekki að virka með routerinum

Ertu að nota crossover kapal á milli switcha ? Ef svar nei þá > Tengdu annan endann í uplink port (stundum síðasta númer)

Eru uplink port á þeim ? Ef svar nei þá > Verðurðu líklega fá crossover kapal. (þú ert líklega með svo ódýra routera að þeir geta þetta ekki hardware level)

Er í lagi með snúruna ?

mind skrifaði:Ertu að nota crossover kapal á milli switcha ? Ef svar nei þá > Tengdu annan endann í uplink port (stundum síðasta númer)

Eru uplink port á þeim ? Ef svar nei þá > Verðurðu líklega fá crossover kapal. (þú ert líklega með svo ódýra routera að þeir geta þetta ekki hardware level)

Er í lagi með snúruna ?

Ef þetta væri crossover vandamál, þá myndi netið væntanlega ekki virka neitt, en ekki detta út á mínútu fresti, ekki satt?

Það er nefnilega mismunandi hvað skeður eftir hvernig switch maður er að nota.

Að öllu jöfnu jú virkar svona eða ekki.

Ok, er búinn að prófa bæði crossover kapal og venjulegan og alltaf það sama, ljósið á switchinum bara blikkar núna mjög snöggt endalaust eins og það sé verið að reyna að tengjast routerinum en mistakist alltaf Ég prófaði ekki bara síðasta númer á báðum stöðum heldur líka fyrsta og eitthvað í miðjunni en alltaf það sama

Þá bendir allt til að þetta sé switchinn.

Mér dettur bara eitt annað í hug og það er EF 2 tölvur eru handvirkt stilltar á sömu IP tölu þá myndi það valda collision og sumir switchar fá kast við það.

kostar samt baara 2þús kall einhver la la switch svo örugglega best að kaupa sig útúr þessu vandamáli.